U Biełarusi pamior zatrymany pa padazreńni ŭ kantrabandzie patronaŭ hramadzianin Litvy
Litva vykazała rašučy pratest časovamu pavieranamu pa spravach Biełarusi, uručyŭšy adpaviednuju notu.
«Supracoŭniki konsulstva Litoŭskaj Respubliki nie byli naležnym čynam prainfarmavanyja ab zatrymańni hramadzianina Litvy i jaho padstavach, ab stanie zdaroŭja, nie byli stvorany ŭmovy dla naviedvańnia zatrymanaha i akazańnia jamu nieabchodnaj konsulskaj dapamohi. Takimi dziejańniami Respublika Biełaruś hruba parušyła Vienskuju kanviencyju ab konsulskich adnosinach», — havorycca ŭ nocie MZS Litvy.
Ministerstva zamiežnych spraŭ Litvy nastojliva rekamienduje hramadzianam Litvy nie vyjazdžać u Biełaruś, a tym, chto ciapier znachodzicca ŭ krainie, nieadkładna źjechać.
Hramadzianina Litvy zatrymali 31 śniežnia 2023 hoda ŭ punkcie propusku «Bieniakoni». U jaho aŭtamabili znajšli 98 patronaŭ (9×18pm) dla zbroi kalibram 9 mm. U dačynieńni da mužčyny była zaviedziena kryminalnaja sprava pa č. 1 art. 333-1 KK (Niezakonnaje pieramiaščeńnie praz mytnuju miažu Jeŭrazijskaha ekanamičnaha sajuza abo dziaržaŭnuju miažu Respubliki Biełaruś bojeprypasaŭ). Jaho zatrymali, a siońnia stała viadoma, što jon pamior.
«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje11
Kamientary
Ale navošta byli tyja patrony dla pistaleta, navat nie dla palaŭničaj zbroi? Heta patrony dla saŭkovaha pistaleta
U jaho aŭtamabili nibyta znajšli 98 patronaŭ (9×18pm) dla zbroi kalibram 9 mm.
Tamu što niama nijakaha sensu ź vialikaj ryzykaj vieźci praź miažu litoŭska-biełaruskuju miažu patrony dla pistaletu, kali našmat praściej nabyć ich i pryvieźci z Rasiei, na čornym rynku jakoj paśla ŭvarvańnia 24.02.2022 deficyta strałkovaj zbroi i amunicyi dakładna niama.