«Pajšoŭ abaraniać svaju druhuju Baćkaŭščynu». Z rasijskaha pałonu vyzvalili biełarusa, jaki vajuje za Ukrainu
Ukrainski vajar trapiŭ u rasijski pałon, dzie pravioŭ 10 miesiacaŭ. Paśla vyzvaleńnia z pałonu hety čałaviek raskazaŭ, što, nasamreč, jon biełarus. Mužčyna, imia jakoha nie nazyvajuć, źjaviŭsia ŭ druhoj častcy filma «Rik» režysiora Dźmitryja Kamarova, vydadzienaha da hadaviny rasijskaj ahresii, piša «Radyjo Svaboda».
Ź videa stała viadoma, što mužčynu nieŭzabavie spoŭnicca 63 hady, a na vajnu jon adpraviŭsia dobraachvotnikam.
«Ja pajšoŭ abaraniać maju Baćkaŭščynu, maju druhuju Baćkaŭščynu», — skazaŭ były pałonny, udakładniŭšy, što jon biełarus.
Ahułam u pałonie biełarus pravioŭ 10 miesiacaŭ amal bieź infarmacyi. Ale, daviedaŭšysia ad aŭtara stužki, što Uzbrojenyja siły Ukrainy za hety čas vyzvalili Chierson, jon uzradavaŭsia. I paabiacaŭ dapamahčy ŭkrainskim vojskam prasoŭvacca dalej, vyzvalajučy inšyja akupavanyja rasijanami terytoryi.
Kamientary