U intervju vydańniu RBK Viktar Babaryka raskazaŭ, jakija miery pryniatyja jaho štabam na vypadak, kali ŭłady akažuć maksimalnaje supraciŭleńnie jaho kampanii.
Fota z fejsbuka Viktara Babaryki.
— Vy zaŭsiody paźbiahajecie kazać, što budzie, kali vas aryštujuć ci nie zarehistrujuć kandydatam. Pakličacie prychilnikaŭ vychodzić na vulicy?
— Ja vielmi nie lublu ŭmoŭnaha ładu. Razvažać ab takich rečach možna biaskonca doŭha. My pierakanali i dakazali našym prychilnikam, što my zaŭsiody viedajem, što rabić. Ludzi narešcie pavieryli, što bankir — heta čałaviek, jaki razumieje, što takoje ryzyka, što takoje sistema kiravańnie ryzykami. U mnohich rečach my pracujem na apiaredžańnie. I dakładna razumiejem scenary. U nas na siońnia ŭsio hatova da taho, kab navat bieź mianie dajści da 9 žniŭnia. Usio! My siońnia zdali praktyčna 100 tysiač podpisaŭ. My da ŭsialakaha raźvićcia padziej hatovyja. U mianie zapisanyja ŭžo zvaroty…
— Zvaroty da prychilnikaŭ?
— Zajavy pra toje, što dziejańni, jakija buduć rabicca bieź mianie, uchvalenyja i ŭzhodnienyja sa mnoj, kab ludzi razumieli, što heta nie reakcyja na niečakanaść, heta dakładnaje razumieńnie, što hety scenar pačynaje realizoŭvacca, nie chvalujciesia, my da hetaha byli hatovyja. My na ŭdaloncy pryvykli pracavać, voś ličycie, što, kali što, heta budzie razmova z narodam pa ŭdaloncy. I ŭ nas takich scenary jość i da 9 žniŭnia, i dalej. Usio jość. Što rabić — my viedajem. Nie havorym pra heta my nie tamu, što baimsia, a tamu što pakul heta biessensoŭna.
— Heta značyć, kali CVK vas zarehistruje, vy ŭžo harantavana budziecie ŭ biuleteni, navat kali ŭ hety momant budziecie, naprykład, u SIZA?
— Pavodle zakona tolki sudzimyja ludzi nie majuć prava bałatavacca. Jany buduć pavinny pastaracca zrabić tak, kab da 9 žniŭnia prajšoŭ sud, ale heta parušeńnie ŭsich pracesualnych normaŭ. Heta prosta niemahčyma.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit6
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary