Łukašenka: Biełaruskaja armija moža pierajści z BTRaŭ na chutkasnyja bronieaŭtamabili
Pry pieraasnaščeńni Uzbrojenych Sił Biełaruś addaje pryjarytet pavyšeńniu mabilnaści. Pra heta Łukašenka zajaviŭ siońnia, vystupajučy pierad udzielnikami zboru pa terytaryjalnaj abaronie.
Alaksandr Łukašenka źviarnuŭ uvahu, što Biełaruś biez usialakaj pompy pravodzić vučeńni, pravierku Uzbrojenych Sił. «My pieraasnaščajem našy Uzbrojenyja Siły, addajučy pryjarytet mabilnaj kampaniencie», — skazaŭ jon.
«Armija pavinna być mabilnaj, jana pavinna być pasadžana na mabilnuju techniku», — miarkuje kiraŭnik dziaržavy. Niadaŭna jamu było paviedamlena ab vykanańni jaho daručeńniaŭ pa stvareńni mabilnaj techniki.
Pavodle słoŭ Alaksandra Łukašenki, na praciahu bližejšaha času ŭ Biełarusi mahli b naohuł admovicca ad BTR dziakujučy stvareńniu aŭtamabila, u jakim možna pieravozić takuju ž kolkaść ludziej. Dva ŭzory takoj techniki ŭžo stvorana na MZKC. Na dumku kiraŭnika krainy, hetyja aŭtamabili pavinny być zapatrabavany ŭ vojsku, u siłavych strukturach.
«My robim našy Uzbrojenyja Siły bolš mabilnymi, kab my mahli pierakinuć dastatkovuju kolkaść mabilnych padrychtavanych ludziej u lubuju kropku Biełarusi», — adznačyŭ Alaksandr Łukašenka.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit6
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary