Futbolnaje i kalafutbolnaje asiarodździe ŭstryvožyłasia apošniaj navinoj pra toje, što staličny klub «Tarpeda» moža spynić isnavańnie.
Kamanda, zasnavanaja ŭ 1947 h., praź finansavyja prablemy ci niežadańnie kiraŭnictva MAZu ŭkładvać srodki ŭ kamandu, apošnim časam zaznała šmat prablem. U 2004 h. klub davoli paśpiachova vystupaŭ u vyšejšaj lizie nacyjanalnaha čempijanatu, ale praź finansavyja prablemy apynuŭsia ažno ŭ druhoj lizie. Nia skłaŭ ruk, biez anivodnaj parazy prajšoŭ uvieś turnir. Pieramožnaje šeście supravadžałasia abiacańniami adradzić honar zavodu, vyrašyć pytańnie maštabnaj rearhanizacyi infrastruktury. Ničoha nie adbyłosia.
I voś ciapier robicca zajava pra źlićcio «Tarpeda» ź inšym mienskim klubam (mahčyma, «Źmienaj»), źmienu nazvy i admovu kiraŭnictva pradpryjemstva ad apiekavańnia klubam.
Šmatlikija zaŭziatary klubu z takim raźvićciom padziej zusim nia zhodny. Najbolš aktyŭnyja ź ich 14 listapada zładzili akcyju pratestu kala prachadnoj MAZu. Čas dla praviadzieńnia pikietu byŭ vybrany ŭdała — zakančvałasia pracoŭnaja źmiena. Rabočym razdavalisia ŭlotki z adpaviednym źmiestam i charakternym zvarotam «Mužyki!». Nadpisy na raściažkach zaklikali nie dapuścić źniščeńnia «Tarpeda». Adna z raściažak była vykanana pa-biełarusku: «Zabivajučy «Tarpeda» — zabivajecie nas!». Doŭžyŭsia pikiet kala 10 chvilin, pakul zavodzkaja achova nie pačała adbirać raściažki. Zatrymali niekalki čałaviek, u tym liku adnaho z udzielnikaŭ-«zubroŭcaŭ». Zatrymanych nieŭzabavie adpuścili.
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit6
«Łukašenka ničoha nie atrymaŭ za hety abmien». Pa palitviaźniaŭ u Minsk pryjazdžaŭ supracoŭnik Dziarždepa Krys Śmit
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary