Вячорка расказаў, у якіх краінах Ціханоўскую сустракалі з лукашэнкаўскім сцягам
Як такое магло здарыцца?
Дарадца Святланы Ціханоўскай Франак Вячорка ў эфіры ютуб-каналу «Обычное утро» расказаў пра выпадкі сустрэчы лідара дэмакратычных сілаў Беларусі ў некаторых краінах з чырвона-зялёным сцягам.
Адной з такіх краін была Румынія. Як расказаў Вячорка, прыём адбываўся ў парламенце краіны. Палітык заўважае, што апошні раз дэлегацыя Беларусі ў Румыніі была ў другой палове 1990-х гадоў.
«Яны паставілі лукашэнкаўскі сцяжок. І да таго ж гэты сцяжок быў не апошняй версіяй з новым арнаментам, а па ўзоры, зацверджаным рэферэндумам 1995 года. Яны нават не зразумелі, у чым праблема».
Акрамя Румыніі, падобны выпадак адбыўся яшчэ ў адной краіне. Але Вячорка не стаў яе называць.
«Сустрэча адбылася нядаўна на вельмі высокім узроўні. Але яны хутка зразумелі праблему і перадрукавалі. Зрабілі бел-чырвона-белы сцяжок», —
расказаў палітык і адзначыў, што Офіс Святланы Ціханоўскай працуе ў некаторых краінах над тым, каб бел-чырвона-белы сцяг дазволілі выкарыстоўваць.
«Тут ёсць праблемы з Венскай канвенцыяй аб дыпламатычных адносінах. Многія краіны баяцца рызыкаваць. Калі будуць ужываць бел-чырвона-белы сцяжок як дзяржаўны, то такім чынам парушацца міжнародныя дамовы. Бо ёсць яшчэ адна «дзяржава Лукашэнкі», якая лічыць сваім іншы сцяжок», —
тлумачыць Вячорка і выказвае надзею, што на парламенцкім узроўні з некаторымі краінамі гэта пытанне будзе вырашана.
Ён нагадвае, што бел-чырвона-белы сцяжок выкарыстоўваў парламент Латвіі, а таксама Эстонія і Польшча. Але Офіс хоча легітымізаваць «бел-чырвона-белую Беларусь» у краінах Заходняй Еўропы, бо гэта таксама пакажа розніцу паміж «лукашэнкаўскай» і «нашай» Беларуссю».
Школьніца пераехала з Падмаскоўя ў Гродна і распавядае, чым адрозніваецца Беларусь ад Расіі6
Каментары
Но и Тихановская не имеет никаких полномочий совершать какие-то официальные визиты потому что она самозваная "лидарка". Тут она хунте подстать