Хакеістаў «Магілёва», які выступае ў чэмпіянаце Беларусі, адправілі прыбіраць камяні з палёў. Паведамляецца, што кіраўніцтва клуба і трэнеры вырашылі такім чынам нібыта зрабіць больш разнастайным трэніровачны працэс.
Каманду амаль у поўным складзе адправілі на прадпрыемства ў вёсцы Чарнаручча ў Шклоўскім раёне, каб прыбраць камяні з палёў перад пасяўной.
Хакеісты ачысцілі ад камянёў тры вялікія палі. Галоўны трэнер каманды Аляксандр Мацярухін назваў гэта суботнікам і заявіў, што такія «трэніроўкі», маўляў, дапамагаюць калектыву згуртавацца.
«Магілёў» у гэтым сезоне заняў перадапошняе месца ў чэмпіянаце Беларусі і не выйшаў у плэй-оф.
Аляксандр Лукашэнка ў сакавіку, наведваючы Гродзенскую вобласць, пагражаў старшыні Гродзенскага аблвыканкама Уладзіміру Караніку і свайму памочніку па гэтай вобласці Юрыю Караеву турмой за тое, што з палёў не прыбраныя камяні. Неўзабаве на іх прыбіранне па ўсёй краіне сталі мабілізоўваць бюджэтнікаў, вайскоўцаў і навучэнцаў.
Школьніца пераехала з Падмаскоўя ў Гродна і распавядае, чым адрозніваецца Беларусь ад Расіі6
Каментары