Vybary ŭ Dziaržaŭnuju dumu niasuć aptymizm — kamientar z Maskvy
Rasijskaje hramadstva pierachodzić kropku bifurkacyi na šlachu da mahčymaj kalarovaje revalucyi.
Ja vyras u lichija i volnalubnyja 90-ja i mnie nie daviałosia ŭ śviadomym uzroście ŭbačyć butaforskija «vybary» ŭ savieckija saviety, dzie nie było navat naminalnaj palityčnaj kankurencyi. Naadvarot, ja dosyć pilna sačyŭ za ŭsimi rasijskimi fiederalnymi vybarami z 1995 hoda — ad kampanii da samoha dnia hałasavańnia i nočy padliku hałasoŭ.
Dzień demakratyčnych vybaraŭ i noč padlika hałasoŭ pa mnie dyk cikaviej i viesialej za luby Novy hod: ceły dzień napružanyja intryhoŭnyja paviedamleńni, kali adčuvaješ, jak naŭprost pierad tvaimi vačyma tvorycca palityčnaja historyja krainy, vyznačajecca raskład va ŭładzie na nastupnyja niekalki hadoŭ. Rasijskija vybary i dahetul jašče nie nabyli hetaha zmročnaha, bieznadziejnaha i vajennaha charaktara, jaki majuć vybary biełaruskija — u jakich roŭna hod tamu ad samoha pačatku čakałasia niešta padobnaje da taho, što sapraŭdy adbyłosia.
I viedajecie, navat erozija demakratyi ŭ sučasnaj Rasii nijak nie zbaviła zachapleńnia ad vidovišča i škadavańnia ad taho, što hetym razam ja tak i nie zapisaŭsia naziralnikam.
Miarkujučy pa nastrojach ludziej navokał, Rasija prachodzić kropku bifurkacyi na šlachu da «kalarovaj revalucyi». U 2004 hodzie rasijski siaredni kłas varoža šypieŭ na padziei ŭ Kijevie va ŭnison z aficyjnymi miedyjami. Potym jon hetaksama rassyłaŭ siabram pa elektronnaj pošcie aburanyja pietycyi pra «bronzavaha žaŭniera» ŭ Estonii i kałažy ź Michaiłam Saakašvili ŭ 2008 hodzie.
A ciapier u modzie pratest i apazicyjnaść.
Ofisnyja maskoŭskija «biełyja kaŭniery» pahałoŭna čytajuć błoh Navalnaha i «łajkajuć» roliki z falsifikacyjami vybaraŭ na Facebook.U maskoŭskim mietro bačyŭ ludziej z stužačkami «ja protiv Partii žulikov i vorov», što žyva nahadała ŭkrainskuju maniju aranžavaj atrybutyki ŭ 2004 h.
Hłamurnyja maskoŭskija hlancavyja časopisy z
Śmiešnyja cyničnyja i, jak zdavałasia da niadaŭniaha času, abyjakavyja da palityki nudnych darosłych dziadziek modniki samaŭpeŭniena sprabujuć siabie ŭ nietypovym ampłua palityčnych žurnalistaŭi ŭ vypadku z telekanałam «Dožd́» uviečary zrabilisia dla mianie sapraŭdy paŭnavartasnaj i jakasnaj alternatyvaj dziažaŭnaj televizii, dyskusii na jakoj, tak by mović, nie chapaje raźniavolenaści i ščyraści, jak mnie zdałosia. Bolš niebiaśpiečny zvanočak — paviedamleńnie pra «bunt» aficeraŭ
Tak ci inačaj, miarkujučy pa papiarednich vynikach hałasavańnia, partyja «Adzinaja Rasija» prynamsi hublaje ŭ Dumie kanstytucyjnuju bolšaść.
Naiŭna mierkavać, što źmiena raskładu mandataŭ choć na kaliva paŭpłyvaje na łajalnaść parłamienta vykanaŭčaj uładzie. Ale zruch u hramadskaj dumcy siaredniaha kłasa i ŭ žycharoŭ klučavych rehijonaŭ — vialikich haradoŭ, asabliva Maskvy i Pieciarburhu — navidavoku.
Ułada pakul maje vialikaje pole dla manieŭra, dastatkovy zapas dla adkryćcia sacyjalnych liftaŭ i baraćby z karupcyjaj (adnym z adkazaŭ na što było b padvyšeńnie hradusu demakratyčnaści palityčnaha pracesu), jaki budzie adzinaj adekvatnaj reakcyjaj na hety fakt. U adroźnieńnie ad Biełarusi, punkt niezvarotu na šlachu budaŭnictva aŭtarytarnaha režyma, jaki nie moh by być źmienieny niehvałtoŭna, u Rasii jašče daloka nie projdzieny, a bolš nachabnaje i śmiełaje, čym u Biełarusi, hramadstva razam z bolšaj zaležnaściu ad mižnarodnaj supolnaści i nie daduć hety punkt prajści. Ja pakul zachoŭvaju aptymizm.
A dadatkovym stymułam dla rozdumaŭ rasijskaj uładzie daduć vyniki prezidenckich vybaraŭ, što buduć u sakaviku. Jość padstavy mierkavać, što jany dla ich nie buduć bolš pryjemnymi, čym vyniki tolki što minułych vybaraŭ u Dziaržaŭnuju dumu.
«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje15
Kamientary