Padčas inaŭhuracyi Donalda Trampa adnym z pa-sapraŭdnamu ščaślivych i zadavolenych ludziej vyhladaŭ člen jahonaj kamandy, multymiljarder Iłan Mask. Uvohule jon viadomy svaimi ekstravahantnymi pavodzinami, ale ŭsio adno mnohich ździviŭ.
Mask vystupiŭ na prezidenckim paradzie Trampa ŭ Vašynhtonie. Jon tancavaŭ, kryčaŭ ad radaści, a ŭ peŭny momant vydaŭ navat pryvitalny žest, padobny da nacysckaha.
Takim žestam raniej u ZŠA supravadžali klatvu viernaści ZŠA. U 1942 hodzie jaho zamianili žestam ruki na serca.
«Dziakujučy vam budučynia cyvilizacyi zabiaśpiečanaja. U nas buduć biaśpiečnyja harady — narešcie biaśpiečnyja miežy, razumnyja vydatki. Bazavyja rečy. I my adpravim DOGE na Mars!» — skazaŭ Mask padčas svajoj pramovy, adznačyŭšy, što «tak adčuvajecca pieramoha».
Jon taksama paabiacaŭ, što amierykanskija astranaŭty ŭpieršyniu ŭ historyi pastaviać ściah na inšaj płaniecie.
«Pavinny być natchnialnyja rečy, pavinny być rečy, jakija robiać ciabie ščaślivym, kab pračynacca i hladzieć u budučyniu», — adznačyŭ biznesoviec, jaki ciapier budzie pracavać u stvoranym Trampam Departamiencie efiektyŭnaści ŭrada ZŠA.
Padčas svajoj emacyjnaj pramovy jon abiacaŭ «irvać zadnicu» dziela hramadzian krainy, skazaŭšy: «Dziakuj, što zrabili heta mahčymym».
«Mianie prosta vyvieźli na miažu». Prarasijskaha błohiera amal na miesiac zakryli ŭ izalatar, a paśla vykinuli ź Biełarusi3
«Mianie prosta vyvieźli na miažu». Prarasijskaha błohiera amal na miesiac zakryli ŭ izalatar, a paśla vykinuli ź Biełarusi
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary
vot tolko nie nado etich otbielivanij i słoviesnych manipulacij,radi boha.
vsie adiekvatnyje ludi užie davno znajut kto on takoj i kakije u nieho intieriesy.
Zihanuł on(dva raza) tak smačno čto pokazałoś na siekundu čto na ścienu siejčas vybiehut putler,tramp i hitler.