Dla Łukašenki zapisali pieśniu «Nado!» ź Dzim Dzimyčam, Saładucham i Jarmolenkam
Kampazicyju ŭ padtrymku ŭdziełu Łukašenki na prezidenckich vybarach 2025 hoda vykłaŭ u svaim tyktoku kampazitar i pradziusar Jaŭhien Alejnik.
U zapisie pieśni brali ŭdzieł artysty roznych pakaleńniaŭ. Byli stałyja zorki, takija jak Anatol Jarmolenka i Alaksandr Saładucha, a taksama hurt «Aŭra», u jakim vystupaje sam Alejnik, i fołk-hurt «Dobryja Ludzi».
Ale bolšaść maładyja śpievaki i internet-zorki — Mikita Bialko, Dzim Dzimyč, Ulka Pulka, Kacia Łabkoŭskaja, Naścia Kraŭčanka, Anhielina Vołkava i Andžyliša.
Vidavočna, što z takim składam vykanaŭcaŭ pieśnia źviernuta chutčej da samaj maładoj aŭdytoryi, za rozumy jakoj siońnia adčajna viadzie baraćbu režym Łukašenki.
Pieśnia niachitraja, praciahłyja «Naaaaaaadoooo!» pierabivajucca roznahałośsiem tuzina śpievakoŭ, jaki pramaŭlajuć roznyja patryjatyčnyja łozunhami, kštałtu «biełorusy, my siła, vriemia vybrało nas», i słovami za ŭsio dobraje, suprać usiaho błahoha — dumać pra budučyniu, nie zabyvać pra minułaje, prasłaŭlać krainu, stajać plačo da plača, być ščyrym.
Ale hałoŭnaje, što «treba rabić svoj vybar», viadoma, tut čytajecca miž radkoŭ, što na vybarach i za Łukašenku, kab jon kiravaŭ viečna:
«Eto nado mnie,
Eto nado tiebie,
Eto nado stranie,
Eto nado vsiej Ziemle.
Tak dołžno byť viezdie,
Tak dołžno byť vsiehda!»
«Naša Niva» — bastyjon biełaruščyny
PADTRYMAĆ-
Mietrabudaŭniki pakazali, jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ»
-
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh
-
Palitviaźnia Eduarda Babaryku znoŭ buduć sudzić za «niepadparadkavańnie administracyi kałonii»
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh9
Kamientary
Kali spadaru Łukašenku Baćku spadabajecca pieśnia, jon musić zładzić vialiki hastrol ambitnych zorak pa ŭsich ahrapradpryjemstvach