Stała viadoma, kolki ludziej zahinuła na miažy ŭ mihranckim kryzisie
Pravaabaroncy čatyroch krain pradstavili dakład pra try hady mihranckaha kryzisu. Pa ich danych, dakładna viadoma pra śmierć jak minimum 125 čałaviek.
Dakład padrychtavali čatyry arhanizacyi — biełaruskaja inicyjatyva Human Constanta razam z polskim fondam Ocalenie, litoŭskaj hrupaj Sienos Grupe i łatvijskaj inicyjatyvaj Gribu palīdzēt bēgļiem («Žadaju dapamahčy ŭciekačam»).
Pavodle ich danych, ź leta 2021-ha pa sakavik 2024-ha aficyjna paćvierdžanyja śmierci 116 čałaviek, za čas z krasavika 2024-ha paćvierdžanyja jašče 9 śmierciaŭ. Śviedki raskazvajuć jašče jak minimum pra 26 zahinułych.
Bolš za ŭsio — 63 śmierci — zafiksavana na terytoryi Biełarusi, 39 śmierciaŭ zafiksavanyja ŭ Polščy. Taksama jość vypadki hibieli mihrantaŭ u Litvie, Łatvii i Hiermanii. Jašče ŭ adnym vypadku kraina śmierci nieviadomaja, bo ź mihrantam prosta źnikła suviaź — ekśpierty tłumačać, što, vierahodna, čałaviek zahinuŭ.
Pravaabaroncy kažuć, što realnaja kolkaść zahinułych, chutčej za ŭsio, našmat vyšejšaja. Raskazvajuć pra vypadki, kali cieły zahinułych nie byli znojdzienyja — naprykład, ludzi patanuli ŭ rekach ci ŭ bahnie.
Viadomyja imiony tolki 31 zahinułaha mihranta — mienš čym čverć z paćvierdžanych śmierciaŭ. Śviedki raskazvajuć jak minimum pra čatyry pachavańni mihrantaŭ u lesie, taksama nieviadoma, kolki mihrantaŭ pachavanyja na terytoryi Biełarusi ŭ biezymiennych mahiłach.
Čamu hinuć mihranty? Adna z asnoŭnych pryčyn — toje, što mihranty zachrasajuć u pamiežnaj zonie (polskija ci litoŭskija pamiežniki prymusova adsyłajuć ich u Biełaruś, adkul jany pryjšli, a biełaruskija — šturchajuć u bok ES i nie dajuć pakinuć prymiežnuju zonu). Siarod faktaraŭ ryzyki nazyvajuć chałodnaje nadvorje, niedachop ježy i vady, fizičny napad z boku pamiežnikaŭ i traŭmy, jakija ludzi atrymlivajuć, kali sprabujuć pieraleźci praz vysoki płot na miažy. Niekalki čałaviek zahinuli ŭ avaryjach, niekatoryja pamierli ŭ balnicach, bo padčas pierachodu miažy ich stan zdaroŭja pahoršaŭ.
«Naša Niva» — bastyjon biełaruščyny
PADTRYMAĆAleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary
Čamu jaje adrazu niama? A na ŭsialakija sputniki i anłajniery budzie.
Navošta pravaabaroncy pierakładajuć vinu na Polšču, Litvu i Łatviju?