Jon adbyŭ dva hady kałonii za ŭdzieł u pratestach.
«Vitaju vas, šanoŭnaje spadarstva! Užo krychu bolš za tydzień ja dychaju adnosna volnym pavietram. 635 dzion ja byŭ afłajn i majo raptoŭnaje źniknieńnie nie zastałosia niezaŭvažnym dla mnohich z vas. Listavacca mnie było dazvolena tolki ź blizkimi svajakami, ad siabroŭ i znajomych listy ja nie atrymlivaŭ», — napisaŭ jon u svaim fejsbuku.
Dzianis źmiaściŭ fota naviedvańnia miemaryjalnaha kompleksu Ała ŭ Homielskaj vobłaści, jaki jon naviedaŭ upieršyniu paśla rekanstrukcyi.
«Mocnaje miesca, trahiedyja jakoha kudy bolšaja, čym u Chatyni. Hetaja vioska mahła stać asnoŭnym pomnikam spalenym vioskam, ale raniej tut nie było mosta praź Biarezinu, darohi byli tak sabie, dy i trafik naviedvalnikaŭ byŭ by nie taki, jak kala stalicy. Doŭhija časy tut stajaŭ ścipły pomnik, da jakoha było ciažka dabracca i pra jaki ŭzhadvali chiba što na 9-ha maja. Ciapier tut pracuje maleńki muziejčyk z mahčymaściu atrymać ekskursiju, jość dzie pachadzić i jość na što pahladzieć. Raju dadać hety punkt na vašuju mapu vandrovak pa Biełarusi!» — napisaŭ jon.
25-hadovaha Dzianisa Piščału zatrymali ŭ listapadzie 2022 hoda za ŭdzieł u pratestach i nibyta za «abraźlivyja kamientary». U sakaviku 2023 hoda jaho asudzili da dvuch hadoŭ kałonii. Za kratami pravioŭ 635 dzion. Termin adbyvaŭ u Mahiloŭskaj kałonii.
-
Kavieryn pra Trampa: Ja dumaŭ, jon realny pacan, a jon akazaŭsia ryžym bajaźlivym kłoŭnam
-
Kiraŭnik «Biełmiedtechniki», u haražy jakoha KDB znajšoŭ $620 tysiač chabaru, vyzvaliŭsia z kałonii i ŭładkavaŭsia na novuju pracu
-
«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje
«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje11
Kamientary