Kola Łukašenka padčas vizitu ŭ Manholiju chadziŭ u majcy z emblemaj Słužby biaśpieki prezidenta
Z kamiennym tvaram jon supravadžaŭ kiraŭnikoŭ dziaržaŭ i siadzieŭ ź imi za adnym stałom.
Uvahu źviarnuŭ na siabie łahatyp na jaho cialniašcy koleru chaki — imavierna, Słužby biaśpieki prezidenta.
Alaksandru Łukašenku dorać koniej. Kola taksama prysutničaje.
Pierad pachodam u muziej Čynhischana. Kola Łukašenka — druhi sprava.
Pieršy za 30 hadoŭ kiravańnia vizit Alaksandra Łukašenki ŭ Manholiju adbyŭsia 2—4 červienia. Ciapierašni prezident hetaj krainy zajmaje prarasijskija pazicyi.
Manholskaja apazicyja rezka raskrytykavała ŭłady za pryjom biełaruskaha dyktatara. Były prezident krainy Cachijahin Ełbiehdorž zaklikaŭ ciapierašnija ŭłady aryštavać Alaksandra Łukašenku pa prybyćci ŭ Manholiju, bo heta, na dumku palityka, stała b suśvietnaj padziejaj i tryumfam spraviadlivaści, jaki b prynios Manholii dobruju reputacyju. Na hałoŭnaj płoščy Ułan-Batara zatrymali niekalkich antyvajennych aktyvistaŭ, jakija prynieśli ŭkrainskija ściahi.
Łukašenka pakryŭdziŭsia i na manholskich žurnalistaŭ, jakija zapytali, čamu Biełaruś vystupaje na baku ahresara ŭ vajnie suprać Ukrainy. Heta Łukašenku vielmi začapiła: nastolki, što jon vystupiŭ z praciahłym manałoham, u jakim paraŭnaŭ Pucina z Čynhischanam, a taksama doŭha apraŭdvaŭsia: maŭlaŭ, u mianie i vybaru nie było, i ŭvohule, vinavatyja amierykancy.
Ułady sustrakali Alaksandra Łukašenku pa najvyšejšym pratakole. Akramia pieramovaŭ, jon pabyvaŭ u muziei Čynhischana.
Pieramovy z prezidentam Manholii Uchnahinam Churełsucham u farmacie «sam-nasam» prachodzili ŭ tradycyjnaj jurcie. A ŭ šyrokim kole Łukašenka chvaliŭ kiraŭnictva azijackaj krainy za tonkuju źniešniuju palityku, skardziŭsia na ašaleły śviet, jaki razumieje tolki siłu, i prapanoŭvaŭ manhołam svaje kansultatyŭnyja pasłuhi i ekanamičnuju supracu.
Kamientary
a. špašiba za utočnienije. ale pieršaja źleva zdajecca kamiera?
https://dj97ou90w5f1d.cloudfront.net/344223