Jaki momant byŭ dla Łukašenki samym traŭmatyčnym? Razvažaje Drakachrust
Hieroj novaha vypusku TOK — palitołah Juryj Drakachrust.
Na pohlad Drakachrusta, dla Łukašenki za ŭvieś čas jaho praŭleńnia byli dva samyja dramatyčnyja momanty, jakija mahli źmianić historyju Biełarusi. Heta 1996 i 2020 hady. Ale samym traŭmatyčnym byŭ mienavita 2020.
«Kali jon pryjazdžaŭ na MZKC (Minski zavod kołavych ciahačoŭ. — NN), i narod jamu ravie: «Pajšoŭ preč!», «Sychodź!». Ź jaho słavalubstvam, samalubstvam, vieraj, što narod ź im, heta było dla jaho šokam».
Drakachrust dadaje:
«My ciapier zadnim likam razvažajem: «tam usio było pieradvyznačana». Nie, nie było. Byvała ŭ historyi tak, jak u Biełarusi: padziei išli, išli — a potym chada była inšaj. I ŭ pryncypie jaki byŭ raźlik 2020 hoda? Jon byŭ taki, jak i ŭ va ŭsich aksamitnych revalucyj va Uschodniaj Jeŭropie: narod mirnym šlacham, psichałahičnym, duchoŭnym, maralnym ciskam na ŭładu damahajecca taho, što jana prosta rassypajecca».
U jakaści prykładu palitołah zhadaŭ masavyja pratesty ŭ Čechasłavakii ŭ 1989 hodzie:
«Čechi taksama dziejničali, jak biełarusy ŭ 2020-m. Mitynh adzin, mitynh druhi, treci. I ŭ štab pratestaŭ pryjšoŭ čałaviek i kaža: «Ja za vas u CK kampartyi. Voś vam klučy. Zabirajcie».
Hety CK nichto nie šturmavaŭ. Prosta była takaja demaralizacyja pad ciskam mirnaha naroda, što čałaviek addaŭ klučy. Padobnaje mahło być i ŭ Biełarusi».
Hladzicie całkam:
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary