Ukrainskaje kamandavańnie paviedamiła pra paharšeńnie situacyi na froncie na ŭschodzie krainy
Rasijskaja armija zachapiła niekalki nasielenych punktaŭ ciaham apošnich dzion.
Hałoŭnakamandujučy USU Alaksandr Syrski zajaviŭ, što «za apošnija dni abstanoŭka na ŭschodnim froncie značna pahoršyłasia», piša Bild.
Pavodle jaho słoŭ, paśla prezidenckaj kampanii rasijskaje vojska «značna aktyvizavała» svaje nastupalnyja dziejańni. U adkaz USU źbirajecca ŭmacavać najbolš prablemnyja zony abarony srodkami radyjoelektronnaj baraćby i supraćpavietranaj abarony, zaznačyŭ Syrski.
Niekalki dzion tamu ŭkrainskaje vajennaje kiraŭnictva zajaviła ab «składanaj i napružanaj situacyi» vakoł horada Časaŭ Jar, jaki znachodzicca pad pastajannymi abstrełami rasijskaj armii. Haradok raźmieščany za 20 kiłamietraŭ na zachad ad Bachmuta, jaki rasijskija vojski akupavali ŭ mai minułaha hoda.
«Supiernik atakuje našy pazicyi ŭ siektarach Liman i Bachmut bajavymi hrupami pry padtrymcy braniatechniki», — adznačyŭ Syrski.
Na dumku hałoŭnakamandujučaha USU, rasijskaje vojska zaraz uzmacniajecca z dapamohaj novych padraździaleńniaŭ, z pryčyny čaho damahajecca «časovych taktyčnych pośpiechaŭ».
Syrski ličyć, što Ukraina pavinna «dabicca techničnaj pieravahi nad supiernikam» praz vykarystańnie zachodniaj vysokadakładnaj zbroi.
Siońnia Minabarony Rasii paviedamiła pra zachop Bahdanaŭki i Pieršamajskaha.
«Mianie prosta vyvieźli na miažu». Prarasijskaha błohiera amal na miesiac zakryli ŭ izalatar, a paśla vykinuli ź Biełarusi3
«Mianie prosta vyvieźli na miažu». Prarasijskaha błohiera amal na miesiac zakryli ŭ izalatar, a paśla vykinuli ź Biełarusi
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary