Futbalist padaŭ pazoŭ na €1,25 miljona z žančyn, jakija abvinavacili jaho ŭ zhvałtavańni
Bok Dziuni Ita zajaviŭ, što abvinavačvańni byli absalutna nieabhruntavanymi, i zapatrabavali zavieści kryminalnuju spravu za iłžyvyja abvinavačvańni.
Futbalist zbornaj Japonii i francuzskaha «Rejmsa» Dziunia Ita padaŭ pazoŭ ab spahnańni €1,25 młn z žančyn, jakija abvinavačvajuć jaho ŭ zhvałtavańni, piša Championat.com.
«Toje, što zrabili žančyny, było ŭ značnaj stupieni złamysnym. Jany padali skarhu padčas Kubka Azii, kab pieraškodzić Ita», — pryvodzić słovy advakata Ita Japan Times.
U hramadzianskim pazovie bok Ita śćviardžaje, što dźvie žančyny vystavili suprać jaho iłžyvyja abvinavačvańni. Žančyny padali kryminalnuju skarhu ŭ palicyju prefiektury Osaka, abvinavaciŭšy Ita i jaho treniera ŭ seksualnym hvałcie z metaj, kab para paniesła kryminalnaje pakarańnie.
U vyniku sponsary skasavali kantrakty ź Ita, pryčyniŭšy hulcu finansavuju škodu.
Pry hetym bok Ita zajaviŭ, što abvinavačvańni byli absalutna nieabhruntavanymi, i zapatrabavali zavieści kryminalnuju spravu za łžyvyja abvinavačvańni.
Choć Ita sapraŭdy pravodziŭ čas z hetymi dźviuma žančynami, u skarzie havorycca, što ich apoviedy supiarečlivyja i što nie było nijakich dokazaŭ, jakija paćviardžajuć ich słovy.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh10
Kamientary