Kali pieršapačatkova bitkojn prasoŭvaŭsia jak alternatyva tradycyjnaj finansavaj sistemie, to ciapier inakš.
Kurs bitkojna ŭpieršyniu za bolš čym dva hady padniaŭsia vyšej za $50 tysiač. Papiaredni raz bitkojn tarhavaŭsia na ŭzroŭni $50 tys. u śniežni 2021 hoda, praź miesiac paśla dasiahnieńnia histaryčnaha maksimumu ŭ $69 tys. U 2022 hodzie adbyłosia niekalki značnych abvałaŭ rynku, ale z pačatku 2023 hoda košt pieršaj kryptavaluty vyras amal u try razy, piša RBK.
Kali pieršapačatkova bitkojn prasoŭvaŭsia jak alternatyva tradycyjnaj finansavaj sistemie, to ciapier rost prachodzić na fonie aptymizmu, što padtrymka ŭ ZŠA biržavych fondaŭ (ETF) na asnovie bitkojna pryviadzie da bolš šyrokaha pryznańnia kryptavalut na tradycyjnych finansavych rynkach.
Dzieviać amierykanskich biržavych fondaŭ, jakija handlujuć bitkojnam na spocie, debiutavali 11 studzienia, fond Grayscale Bitcoin Trust (GBTC) u 2013-m byŭ pieratvorany ŭ paŭnavartasny ETF. Dastupnaść i lehalny status ETF spryjaje pašyreńniu bazy inviestaraŭ dla kryptavaluty. Novyja fondy ŭžo pryciahnuli kala $ 8 młrd, u toj čas jak adtok srodkaŭ z fondu GBTC, jaki pieravysiŭ $6 młrd z momantu jaho pieraŭtvareńnia, zdajecca, sychodzić na ništo.
Adnym z klučavych faktaraŭ ciapierašniaha rostu bitkojna vystupaje rost popytu z boku instytucyjnych inviestaraŭ pry ŭstojliva pazityŭnym prytoku srodkaŭ u spotavyja bitkojny — ETF, tłumačyć analityk rynku kryptavalut Viktar Pieršykaŭ. Adsutnaść cisku z boku majnieraŭ i bujnych trymalnikaŭ maniet, jakija nie ŭzmacniajuć prodažu bitkojna, dazvalajuć canie adčuvać siabie kamfortna i farmavać umovy dla praciahu siarednieterminovaha ŭzychodziačaha trendu, ličyć analityk.
Na rost kursu paŭpłyvali i siezonnyja faktary, pakazvaje były kiraŭnik pa Azii i Uschodniaj Jeŭropie ŭ Binance Hleb Kostaraŭ. Tradycyjna pierad kitajskim Novym hodam bitkojn raście, bo kitajskija kampanii vypłačvajuć bonusy. Histaryčna luty zaŭsiody byŭ pazityŭnym miesiacam dla kryptavalut.
Kamientary