Va ŭzroście 36 hadoŭ pamior akcior «Hulni tronaŭ». U jaho była nievylečnaja chvaroba
«Z hłybokim sumam my pavinny paviedamić vam, što naš darahi siabar i klijent Daren Kient mirna pamior. Našy dumki i luboŭ ź jaho siamjoj u hety składany čas», — paznačana ŭ paviedamleńni ahienctva Carey Dodd Associates.
Pamior brytanski akcior Daren Kient, jaki syhraŭ u sieryjale «Hulnia tronaŭ». Jamu było 36 hadoŭ, artyst pakutavaŭ ad nievylečnaj chvaroby skury, jak paviedamlajuć zamiežnyja miedyja.
Pra śmierć akciora paviedamili ŭ ahienctvie Carey Dodd Associates.
«Z hłybokim sumam my pavinny paviedamić vam, što naš darahi siabar i klijent Daren Kient mirna pamior u piatnicu. Jaho baćki i najlepšy siabar byli pobač ź im. Našy dumki i luboŭ ź jaho siamjoj u hety składany čas», — paznačana ŭ paviedamleńni ahienctva.
Kient pakutavaŭ ad redkaha zachvorvańnia skury, jakoje źjaviłasia ŭ jaho ŭ pačatku karjery. Praz heta jon nie moh doŭha znachodzicca na soncy. Taksama artyst mieŭ jašče niekalki chraničnych zachvorvańniaŭ — asteaparoz i artryt.
Pieršaj značnaj rolaj Kienta ŭ kino stała praca ŭ filmie žachaŭ «Lusterki», jaki vyjšaŭ na ekrany ŭ 2008 hodzie. Akramia taho, jon zdymaŭsia ŭ filmach «Soniečny chłopčyk», a taksama pradziusavaŭ karotkamietražnyja filmy «Volny handlar» i «Ty mianie viedaješ».
Słavu akcioru pryniesła rola pastucha ŭ sieryjale «Hulnia tronaŭ». Jon źjaviŭsia ŭ epizodzie z Emilijaj Kłark.
Taksama Kient zdymaŭsia ŭ takich filmach i sieryjałach, jak «Žychary Ist-Enda», «Zakon Maršała», «Biessaromnyja».
A niezadoŭha da śmierci akcior źjaviŭsia ŭ kinakarcinie «Padziamielli i cmoki: Honar zładziejaŭ».
«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje15
Kamientary
• U takich, jak? Dyk u jakich?! Hańba vam, ...!