Apublikavanyja śviežyja spadarožnikavyja zdymki łahiera PVK «Vahnier» pad Asipovičami
Žurnalist The New York Times Kryścijan Trybiert apublikavaŭ śviežyja spadarožnikavyja zdymki łahiera PVK «Vahnier» u vioscy Cel, zroblenyja Maxar 23 lipienia.
Zdymki vielmi vyraznyja i paćviardžajuć papiaredniuju vysnovu ab tym, što zialonaja zona, praviej ad impravizavanaj stajanki fur, była całkam zapoŭnienaja ŭžo 22 lipienia.
Na śviežych zdymkach vidać nie mienš za 35 fur i sotni lehkavych aŭto, pikapaŭ i «buchanak». U paŭdniovaj častcy zdymka taksama možna zaŭvažyć budaŭničuju techniku, jakaja była zaŭvažanaja jak minimum u dźviuch kałonach: 3-j ad 17 lipienia i 8-j ad 19 lipienia, paviedamlaje manitorynhavaja hrupa «Biełaruski Hajun».
Łahier dla vahnieraŭcaŭ u Biełarusi raźbili kala vioski Cel u Asipovickim rajonie.
Raniej kiraŭnictva PVK «Vahnier» zajaŭlała, što ŭ Biełaruś pierabazujecca da 10 tysiač bajcoŭ hetaj kampanii.
PVK «Vahnier» farmalna ličycca pryvatnaj vajskovaj kampanijaj, ale faktyčna była stvoranaja Hienštabam Rasii dla vykanańnia śpiecyjalnych zadač i pad vyhladam, što za hetym nie staić aficyjnaja Maskva. PVK «Vahnier» paniesła ciažkija straty padčas napadu na Ukrainu. Pavodle infarmacyi kiraŭnictva struktury, stanam na 20 maja z 79 tysiač najmitaŭ byli zabityja 22 tysiačy, paranienyja 40 tysiač.
«Mianie prosta vyvieźli na miažu». Prarasijskaha błohiera amal na miesiac zakryli ŭ izalatar, a paśla vykinuli ź Biełarusi3
«Mianie prosta vyvieźli na miažu». Prarasijskaha błohiera amal na miesiac zakryli ŭ izalatar, a paśla vykinuli ź Biełarusi
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary