Katastrofa pad Paŭłaŭkaj: adzinaja za apošni miesiac nastupalnaja apieracyja rasijskich vojskaŭ skončyłasia buntam marskoj piachoty
Rasijskija hienierały pačali nastup na viosku pad Vuhladaram u tuju ž noč z 28 na 29 kastryčnika, kali ŭkrainskija bieśpiłotniki nanieśli straty rasijskamu fłotu ŭ buchcie Sievastopala.
Rasijskija ŚMI i kiravanaja z Maskvy sietka błohieraŭ padavali hetuju vyłazku tak, niby havorka pra vialiki horad. Nasamreč, vioska Paŭłaŭka niemałaja, jak heta charakterna dla Danbasa. Ale heta ŭsio ž vioska. Ale i viosku ŭziać nie ŭdałosia.
Ukraincy baranilisia zaciata i z rozumam, jak jany heta robiać na Danbasie ad pačatku vajny. Paśla tydnia bajoŭ stali jasnymi maštaby strat rasijskich vojskaŭ.
«Terminova!!! CIAŽKAJA SITUACYJA Ŭ PAŬŁAŬCY (DNR). Marpiechi našaj 155-j bryhady źviarnulisia da hubiernatara Prymorja Aleha Kažamiaki»,— kapsłokam piša rasijski frantavy błohier Sładkoŭ.
Źviarnulisia da hubiernatara Prymorja, bo havorka pra marskuju piachotu Cichaakijanskaha fłotu. Pakazalna, što daviedzienyja da adčaju elitnyja častki źviartajucca nie da kamandavańnia i nie da Kramla, a da miascovych cyvilnych kiraŭnikoŭ u spadziavańni, što hramadskaja dumka ich uratuje.
«Skazana: vialikija straty, niemahčymaść danieści da vyšejšaha kiraŭnictva infarmacyju ab našych vialikich daremnych stratach u ludziach i technicy. Ličby ŭ mianie jość, ale dalej heta sprava Hienieralnaj prakuratury»,— piša Sładkoŭ.
«U Paŭłaŭcy ŭsio abjektyŭna drenna,— piša inšy prapahandyst Wargonzo. — Chadakoŭski adkryta najazdžaje na tych, chto płanavaŭ apieracyju».
Jašče adzin błohier, Ramanaŭ, apisaŭ situacyju tak: «Na pazicyi pryjechaŭ tyłavy hienierał z vajskovaj palicyjaj. Spyniajuć cyvilny transpart, zabirajuć u kamiendaturu. Potym mašynu spalvajuć, a tych, chto ŭ joj byŭ, adpraŭlajuć u šturmavy atrad na pieradavuju,— apisvaje abstanoŭku jon.— Marskaja piachota chutka kančajecca. Tolki ŭ adnoj bryhadzie za čatyry dni — minus 300 čałaviek i 50% techniki».
Ataka na Paŭłaŭku była adzinaj značnaj nastupalnaj apieracyjaj rasijskich vojskaŭ za apošni miesiac. Paśla adstupleńnia ź Limana rasijskaja armija viała ciažkija abarončyja bai pad Svatavam i Kramiannoj. Kala Bachmuta najmity-vahnieraŭcy viali pazicyjnyja bai. Pad Chiersonam inicyjatyva taksama była ŭ rukach ŭkraincaŭ. I adzinaja nastupalnaja apieracyja rasijan pad Vuhladaram pravaliłasia.
BCHD: Adzin ź lidaraŭ partyi Jaŭhien Dudkin pryznaŭsia, što źjaŭlajecca daŭnim ahientam KDB6
Kamientary
Nu,žritie za obie ŝieki i s soboj voźmitie,čtob vsiem chvatiło. Fiejeričieski nieobučajemyje.