Śledam za zekami Rasija źbirajecca adpravić na vajnu mihrantaŭ
Urad Maskvy razhornie ŭ mihracyjnym centry «Sacharava» infrastrukturu dla sadziejničańnia Minabarony RF u arhanizacyi pastupleńnia mihrantaŭ na vajskovuju słužbu. Pra heta zajaviŭ mer rasijskaj stalicy Siarhiej Sabianin.
Sabianin adznačyŭ, što zamiežniki, jakija zaklučyli hadavy kantrakt dla słužby va Uzbrojenych siłach Rasii, mohuć atrymać hramadzianstva ŭ sproščanym paradku.
«U Maskvie dziejničaje mihracyjny centr «Sacharava» — adzinaje akno dla vyrašeńnia pytańniaŭ pracoŭnaj zaniataści mihrantaŭ. U samy bližejšy čas urad Maskvy razhornie ŭ «Sacharava» paŭnavartasnuju infrastrukturu sadziejničańnia Minabarony Rasii ŭ arhanizacyi pastupleńnia na vajennuju słužbu zamiežnych hramadzian», — havorycca na aficyjnym sajcie Sabianina.
Raniej deputaty Dziarždumy pryniali zakon ab spraščeńni atrymańnia zamiežnikami rasijskaha hramadzianstva. Zhodna ź im, atrymać hramadzianstva RF u sproščanym paradku, bieź nieabchodnaści atrymlivać dazvoł na žycharstva, zmohuć «zamiežnyja hramadzianie, jakija zaklučyli kantrakt ab prachodžańni słužby va US RF, inšych vojskach abo voinskich farmavańniach na termin nie mienš za adzin hod.
BCHD: Adzin ź lidaraŭ partyi Jaŭhien Dudkin pryznaŭsia, što źjaŭlajecca daŭnim ahientam KDB11
Kamientary