Davydźka bolš nie ŭznačalvaje «Biełuju Ruś». Jaho miesca zaniaŭ rektar Połackaha ŭniviersiteta
Staršynioj «Biełaj Rusi» abrany rektar Połackaha dziaržaŭnaha ŭniviersiteta Aleh Ramanaŭ, paviedamlaje pres-słužba abjadnańnia. Raniej hetuju pasadu zajmaŭ Hienadź Davydźka. Rašeńnie pryniata padčas IV źjezda abjadnańnia, jaki prachodzić siońnia ŭ Minsku.
Ramanaŭ prapanavaŭ zakłaści ŭ prahramu idei refierendumu:
«Razmova ab abaronie histaryčnaj pamiaci i praŭdy, zachavańni kaštoŭnaściaŭ biełaruskaha naroda, raźvićci mocnaj dziaržaŭnaj ułady. Nieabchodna razumieć, što pracesy, jakija adbyvajucca siońnia ŭ śviecie — mocny vyklik dla našaj dziaržavy, na jaki nieabchodna adkazać. Hety adkaz — dakładnaje vyznačeńnie taho faktu, što hramadskaje abjadnańnie «Biełaja Ruś» raźmiažoŭvaje svaju dziejnaść na družalubnyja krainy i krainy, jakija pravodziać varožuju i ahresiŭnuju palityku».
U źjeździe «Biełaj Rusi» prymajuć udzieł kala 500 delehataŭ. Heta členy ŭrada, hramadskich i palityčnych ruchaŭ, deputaty, pradstaŭniki dypkorpusa, navukoŭcy i zaprošanyja hości ad rasijskaj partyi «Adzinaja Rasija».
-
Punkt propusku «Bierastavica» na polskaj miažy adkryty paśla rekanstrukcyi. Ale prajechać praź jaho nielha
-
U Polščy 11 čałaviek buduć sudzić za afarmleńnie falšyvych dakumientaŭ dla DNŽ i viz. Ich pasłuhami karystalisia i biełarusy
-
«Adśviatkavać pačatak novaha žyćcia». Byłyja palitviaźni pra pačućci i kachańnie
Kamientary