Z Maskvy. Błoh Alesia Čajčyca2323

Dobraje pra 7 listapada i revalucyju. Piša Aleś Čajčyc

Aptymizm, idealizm, skiravanaść u budučyniu i praha da pabudovy spraviadlivaha i sumlennaha hramadztva, rašučaść u zrynańni niespraviadlivych paradkaŭ - usiaho hetaha mocna brakuje nam, što žyvuć praz amal sto hadoŭ paśla 1917 hoda

Ulotka biełaruskich kamunistaŭ nakont taho, što «Biez Kastryčnickaj revalucyi nie było b BNR», kaniečnie, tonki trolinh i nie abaviazanaja być całkam akuratnaju (bo chto viedaje, što b tam było va ŭmovach demakratyčnaj federatyŭnaj «lutaŭskaj» Rasiei), ale ž štości za hetymi tezisami biassprečna jość.

Sučasnyja rasiejskija imperskija šavinisty i kanservatyŭnyja kamunisty lubiać saviecki režym za toje, što heta byŭ represiŭny tatalitarny i kanservatyŭny režym, jakoha ŭsie bajalisia, jaki imknuŭsia da ŭzbrojenaj ekspansii, teraryzavaŭ ludziej pavodle ich sacyjalnaha i etničnaha pachodžańnia, padaŭlaŭ navatarskija prajavy ŭ ekanomicy, kultury i mastactvie. Ale ž

jość rečy ŭ rańnim savieckim režymie, jakija typovym sučasnym «savieckim patryjotam» rašuča nia mohuć padabacca - i jak raz jany pieraličanyja ŭ toj ulotcy.

Balšaviki pryjšli da ŭłady na chvali admaŭleńnia staroj Rasiei - hramadztva, čyje supiarečnaści, sacyjalnuju i nacyjanalnuju niespraviadlivaść treba było vyrašać inšymi metadami, čym jak heta sprabavali (abo rabili vyhlad, što sprabujuć) kamunisty. Ale admaŭlać najaŭnaść hetych supiarečnaściaŭ i prablemaŭ moža tolki Nikita Michałkoŭ, jaki ŭ svaich najnoŭšych interviju čamuś śćviardžaje, što darevalucyjnuju Rasieju zahubili liberalnyja intelihienty, a nie, naprykład, represiŭny i adstały palityčny režym na čale ź niekampetentnym carom.

Užo ŭ kancy 1920-ch hadoŭ balšavickaja paradyhma źmianiłasia, na źmienu fanatykam-idealistam da kiraŭnictva pryjšła, kažučy prostymi słovami, kanservatyŭnaja čerń, jakoj pryvilei i dostup da karmuški byli važniejšyja za marksisckija ŭtapičnyja ideały. Prykładna tady ž skončyłasia i chvalonaja savieckaja «biełarusizacyja» ŭ BSSR.

Z hetaje černi vyrasła zastojnaja brežnieŭskaja namenklatura, hetaja ž čerń svaim cynizmam sparadziła cynizm va ŭsim savieckim hramadztvie, jakoje na słovach klałasia ŭ viernaści adarvanym ad rečaisnaści sacyjalistyčnym ideałam, a ŭ dušy było naskroź nihilistyčnym i pazbaŭlenym intaresaŭ, jakija byli b vyšejšymi za karyta z charčom.

Dakładna jak dla ciapierašniaha kiraŭnictva Rasiei, dla jakoha hałoŭnuju rolu adyhryvaje taja ž samaja karmuška i dla jakich siońniašni pravasłaŭny nacyjanalizm i imperyjalizm - zbolšaha «panty», vynik praźmierna raźdźmutaha na naftahazavych hrošach pačućcia ŭłasnaj značnaści i biespakaranaści. Pačućcia, ad jakoha pa miery padzieńnia cany na naftu i pa miery realizacyi efekta ad mižnarodnych sankcyj rasiejcy ŭžo chutka mohuć pačać cieraźvieć.

Chvala represij 1937 hoda - pik savieckaha terora - była skiravanaja ŭ najbolšaj stupieni mienavita suprać starych balšavikoŭ, suprać zanadta idejnych kamunistaŭ:

ludziej z ultraradykalnymi palityčnymi pohladami, ale z najaŭnaściu hetych samych pohladaŭ, a nia prosta lajalnych da Stalina. Zreły i poźni SSSR - imperski, šavinistyčny, kanservatyŭny - byŭ antahanistam duchu rańniaje savieckaje ŭłady - dynamičnaj, utapičnaj, varjackaj (i kryvavaj, zrešty, taksama). Byŭ, zrešty, antahanistam i karcincy pra samoha siabie, antahanistam kamsamolska-kasmanaŭckamu entuzijazmu, jaki vypramieńvała savieckaja prapahanda.

Ale ž niaŭžo

savieckija entuzijazm, aptymizm, idealizm, skiravanaść u budučyniu i (kali nie pahłyblacca ŭ detali) praha da pabudovy prosta spraviadlivaha i sumlennaha hramadztva, rašučaść u zrynańni niespraviadlivych paradkaŭ - niaŭžo ŭsio, absalutna ŭsio heta było niesapraŭdnaje?

Niaŭžo ŭsio heta było chłuśnioj? Usie hetyja rečy, jakich tak nie chapaje nam z vami, sučasnym?

Kamientary23

«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje6

«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje

Usie naviny →
Usie naviny

Popyt na naftu i vuhal dasiahnie piku ŭ 2030-m i pačnie spadać3

Śviatłana Cichanoŭskaja ŭpieršyniu vystupić na hałoŭnaj scenie Miunchienskaj kanfierencyi pa biaśpiecy11

Nabližany da siłavikoŭ kanał raskazaŭ, što ŭnačy ŭzarvałasia nad Homielem1

«Mianie prosta vyvieźli na miažu». Prarasijskaha błohiera amal na miesiac zakryli ŭ izalatar, a paśla vykinuli ź Biełarusi6

U Chojnikach adkryli pamiatny znak u honar Ivana Mieleža. Na ruskaj movie10

«Horš za Miunchien». Reakcyja jeŭrapiejskich palitykaŭ na zajavy Trampa ab pieramovach z Pucinym66

Nie restaŭracyja, a paśmiešyšča. U Ružanach «zarestaŭravali» rezidencyju Sapiehaŭ13

Siadzieńni ŭ samalotach stanuć dvuchpaviarchovymi? Airbus stvaraje inavacyjny dyzajn13

Štości ŭzarvałasia nad Homielem. Mahčyma, čarhovy rasijski šachied źbiŭsia z darohi7

bolš čytanych navin
bolš łajkanych navin

«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje6

«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje

Hałoŭnaje
Usie naviny →

Zaŭvaha:

 

 

 

 

Zakryć Paviedamić