Biełaruskaj dyjaspary — biełaruskija pašparty!
Za apošnija dva stahodździ Biełaruś zhubiła zašmat ludziej — treba pačynać pryciahvać ich nazad.
Nakont Zakonu ab biełarusach zamiežža, što raspracoŭvajecca ŭładami Biełarusi ja, budučy jakraz biełarusam zamiežža, mahu skazać nastupnaje.
Na izrailski pašpart moža pretendavać čałaviek, u jakim chacia b adna vośmaja habrejskaj kryvi. Armienija aktyŭna vydaje pašparty pradstaŭnikam šmatlikaj armianskaj dyjaspary. Vuhorščyna razdaje pašparty transilvanskim i słavackim vuhorcam. I ŭsio heta biez patrabavańnia admaŭlacca ad inšych hramadzianstvaŭ.
Čym Biełaruś horšaja?
Čamu etničnyja biełarusy z Padlašša i Vilenščyny pavinny stajać pa biełaruskuju vizu?
Čamu takija ludzi, jak ajciec Alaksandar Nadsan ci doktar Janka Zaprudnik, pavinny jeździć u Biełaruś pa vizach?
Razdajcie biełaruskaj dyjaspary pašparty.
Nie «kartku biełarusa» i nie vid na žycharstva pry ŭmovie pierajezdu na Biełaruś, a mienavita hramadzianstva z usimi pravamina pražyvańnie, pracaŭładkavańnie, kuplu majomaści i zaniaćcie pradprymalnickaj dziejnaściu. U śviecie jość vopyt, jak heta pravilna zrabić — chaj ludzi zdajuć jakiś bazavy ispyt pa biełaruskaj movie i biełaruskaj kultury/historyi, i ŭsio.
Čym Biełarusi drenna, kali ŭ krainu buduć adčynienyja dźviery dla maksimalnaj kolkaści nieabyjakavych da Biełarusi byłych suajčyńnikaŭ i ich naščadkaŭ, jakija ciapier pražyvajuć u krainach, bolš raźvitych za Biełaruś?
Heta jaŭna nie pryviadzie da napłyvu niekvalifikavanych mihrantaŭ ci kryminalnaha elemientu. Hetkija mihranty zaraz naadvarot jeduć ź Biełarusi ŭ susiednija krainy. Dyj uvohule, niama ŭpeŭnienaści, što dyjaspara pačnie stanavicca ŭ čerhi pa biełaruski pašpart. Na žal,
biełarusy zamiežža jak łabiscki, finansavy, intelektualny resurs patrebnyja Biełarusibolš, čym Biełaruś patrebnaja bolšaści ź ich. I tamu Biełarusi treba pieršaj jak maha šyrej adčynicca dla biznesoŭcaŭ, inviestaraŭ, prafiesijanałaŭ, turystaŭ ź liku ludziej, jakija majuć tut karani.
Za apošnija dva stahodździ Biełaruś razhubiła zašmat ludziej — treba pačynać pryciahvać ich nazad, hetyja miljony rasijcaŭ, sotni tysiač palakaŭ, amierykancaŭ i izrailcaŭ biełaruskaha i
Ludzi, ichny pradprymalnicki, navukovy, tvorčy patencyjał, byli i zastajucca adzinym resursam Biełarusi i Biełaruś pavinna za hety resurs zmahacca ŭsimi srodkami.
«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje7
Kamientary