Кіраўнікі «Беларуськалія» пайшлі на выбары і апублікавалі дэкларацыі. Якія ў іх заробкі?
Для большасці беларусаў даходы вылучэнцаў у Салігорскі райсавет выглядаюць фантастычнымі. Штомесяц супрацоўнікі прадпрыемства маюць больш за $1500. І пры гэтым у шахце яны не працуюць.
«Беларуськалій» рэкрутаваў у Салігорскі райсавет ажно 12 сваіх работнікаў. Калі ўсе яны туды трапяць, то кожны чацвёрты дэпутат будзе прадстаўніком гэтага прадпрыемства.
На месца ў райсавеце разлічвае начальнік службы бяспекі «Беларуськалія» — 47-гадовы Віктар Каваленка.
У 2022 годзе ён за месяц атрымліваў 8600 рублёў (3300 даляраў). Яго даход удвая большы, чым у большасці калегаў, якія таксама прэтэндуюць на месца ў райсавеце.
Удакладнім, што ў дэкларацыях кандыдатаў у дэпутаты ўказваецца агульны даход. Гэта значыць, што калі чалавек менавіта ў той перыяд прадаў кватэру ці машыну, то лічба можа выглядаць анамальна вялікай.
56-гадовы галоўны метролаг упраўлення аўтаматызацыі акцыянернага таварыства Алег Чачуха штомесяц меў 5500 рублёў (2100 даляраў).
Раней Чачуха засядаў у выбарчых камісіях ад «Белай Русі», а ў райсавет ідзе беспартыйным.
50-гадовы дзейны дэпутат райсавета і адзін з ідэолагаў «Беларуськалія» Ігар Карака штомесяц зарабляў 4 373 рублёў (1600 даляраў).
Карака на прадпрыемстве займае пасаду намесніка дырэктара па ідэалагічнай працы і кадрах трэцяга рудаўпраўлення. У райсавет ён пераабіраецца як сябра партыі «Белая Русь».
46-гадовы намеснік старшыні па ахове працы прафсаюзнай арганізацыі «Беларуськалія» Дзяніс Бялькевіч штомесяц меў 5000 рублёў даходу, што было эквівалентна 1900 далярам.
Прафсаюзны функцыянер, які не заняты на вытворчасці, таксама дзейны дэпутат райсавету.
38-гадовы начальнік аддзела па паверхневым комплексе ўпраўлення па энергетыцы «Беларуськалія» Аляксандр Грышкевіч штомесяц зарабляў амаль 5 тысяч рублёў, ці 1800 даляраў.
Грышкевіч — самы малады вылучэнец у райсавет.
***
У 2022 годзе сярэдні заробак па краіне складаў 1633 рублі, ці 624 даляры. Жыхары Салігорскага раёна, калі верыць Белстату, мелі 2010 рублёў — 768 даляраў.
«Наша Нiва» — бастыён беларушчыны
ПАДТРЫМАЦЬГлядзіце таксама:
Колькі зарабляюць лукашэнкаўcкія дэпутаты ў правінцыі? Іх даходам пазайздросцяць многія
Мама прапагандыста Ігара Тура пераабіраецца ў лідскія дэпутаты ад «Белай Русі»
Намесніка Карпенкі звольнілі перад самымі выбарамі. Прычына незвычайная
-
Пункт пропуску «Бераставіца» на польскай мяжы адкрыты пасля рэканструкцыі. Але праехаць праз яго нельга
-
У Польшчы 11 чалавек будуць судзіць за афармленне фальшывых дакументаў для ДНЖ і віз. Іх паслугамі карысталіся і беларусы
-
«Адсвяткаваць пачатак новага жыцця». Былыя палітвязні пра пачуцці і каханне
Каментары