Śviet55

Makron źbirajecca ŭ Polšču dla abmierkavańnia płanaŭ miratvorčaj misii va Ukrainie

Prezident Francyi ŭ čaćvier prylacić u Varšavu, kab abmierkavać płan jeŭrapiejskaj miratvorčaj misii, jakaja dazvolić zachavać ukrainski suvierenitet u ramkach mahčymaj damoŭlenaści pamiž Trampam i Pucinym, piša polskaje vydańnie Rzeczpospolita.

Emanuel Makron. Fota: Chesnot/Getty Images

Rzeczpospolita adznačaje, što ŭ situacyi hłybokaha palityčnaha kryzisu, jaki akurat ciapier pieražyvaje Francyja, tolki nadzvyčaj važnyja spravy mohuć prymusić Emanuela Makrona niekudy pajechać. I akurat takoj spravaj źjaŭlajecca pytańnie vajny va Ukrainie, jakoje ciapier paŭstaje ŭsio bolš vostra z-za taho, što 20 studzienia na pasadu prezidenta ZŠA maje zastupić Donald Tramp.

7 śniežnia napiaredadni ŭračystaści adkryćcia ŭ Paryžy adnoŭlenaha sabora Notr-Dam Makron mienš čym hadzinu razmaŭlaŭ tet-a-tet z Trampam u Jelisiejskim pałacy, a paśla da ich na paŭhadziny dałučyŭsia Uładzimir Zialenski.

«Z taho, što ja razumieju, Emanuel Makron paviedamiŭ Donaldu Trampu, što Jeŭropa nie tolki nie moža być vyklučanaja ź pieramoŭ ZŠA i Rasii, bo maje tut ułasnyja surjoznyja intaresy biaśpieki, ale i hatovaja ŭdzielničać u hetym pracesie finansava, a hałoŭnaje — uziać na siabie ryzyku, źviazanuju z abaronaj ukrainskaha suvierenitetu», — zajaviŭ polskamu vydańniu Kamil Hran, jaki da 2022 hoda byŭ namieśnikam hienieralnaha sakratara NATA.

Asnovaj francuzskaj prapanovy źjaŭlajecca miratvorčaja misija, jakaja harantavała b, što Kreml u budučyni nie parušyć mahčymaje pieramirje i vyznačanuju liniju raźmiežavańnia.

U lutym Makron upieršyniu prapanavaŭ ideju nakiravańnia vojskaŭ NATA va Ukrainu. Adnak jon nie vyznačyŭ umoŭ, pry jakich heta mahčyma. Bolš kankretna da hetaj idei jon źviarnuŭsia 11 listapada na sustrečy ŭ Paryžy z premjer-ministram Vialikabrytanii Kiram Starmieram.

«Misija mahła b składacca ź piaci bryhad (prykładna 40 tysiač vajskoŭcaŭ). Kiravańnie adnoj ź ich mahła b uziać na siabie Polšča», — tłumačyć Eli Tenienbaŭm, ekśpiert paryžskaha IFRI.

Pavodle Kamila Hrana, jość try sposaby zabieśpiačeńnia harantyj biaśpieki dla Ukrainy:

«Pieršy — «niamiecki», heta značyć pryniaćcie krainy ŭ NATA navat biez vyznačeńnia kančatkovych miežaŭ. Adnak Amieryka i Hiermanija suprać hetaha. Druhi — «izrailski», heta značyć masavaja pastaŭka zbroi Ukrainie navat paśla zaklučeńnia miru. Treci — «karejski», jaki praduhledžvaje mižnarodnuju miratvorčuju misiju dla kantrolu linii raźmiežavańnia».

Ukrainski lidar Uładzimir Zialenski niadaŭna ŭpieršyniu vykazaŭsia, što mienavita takaja misija mahła b harantavać biaśpieku krainy, pakul Ukraina čakaje harantyj ad NATA.

Na fonie ŭnutranych prablem Francyi i adsutnaści parłamienckaj bolšaści Makron zastajecca adzinym, chto maje prava prymać rašeńni ab vykarystańni francuzskich uzbrojenych sił i kirunkach źniešniaj palityki.

U toj ža čas na hety momant Kreml nie padaje nijakich sihnałaŭ, što hatovy admovicca ad imknieńnia kantralavać usiu ŭkrainskuju terytoryju i pajści na pahadnieńnie z Ukrainaj i jaje sajuźnikami. 

Miž tym premjer-ministr Polščy Donald Tusk siońnia na pasiadžeńni ŭrada skazaŭ, što pieramovy ab miru va Ukrainie mohuć pačacca ŭžo hetaj zimoj:

«Jak vy možacie sabie ŭjavić, naša delehacyja budzie suadkaznaj, siarod inšaha, za toje, jak budzie vyhladać palityčny kalandar, mahčyma, jakoj budzie situacyja padčas pieramovaŭ, jakija mohuć, choć heta jašče pad pytańniem, pačacca zimoj hetaha hoda», — zajaviŭ jon.

Kamientary5

  • Litvin
    11.12.2024
    Vasil nu surjozna što vy palicie ci jakija narkotyki spažyvajecie kali takuju bzduru pišycie?
    Nichto ź Jeŭra biurakrataŭ za Ukrainu nie budzie ni zmahacca ni štości rvać . Usio Ukrainu źlili i pamianiali na Siryju. Prajekt Ukraina dapabačeńnie!
  • Babuin
    11.12.2024
    Makron niejak lapnuŭ jazykom, što moža pasłać va Ŭkrainu francuzskija vojski. A potym tak spužaŭsia skazanaha, što pačaŭ davać zadniuju. Ja b ad hetaha pałachlivaha bałaboła ničoha surjoznaha nie čakaŭ.
  • Vasil
    11.12.2024
    Litvin , sačycie za navinami, i budziecie ździŭlenyja. Zaraz jany raptoŭna aśmialejuć i nabiarucca dziorzkaści, voś pabačycie. A chto nie nabiarecca - toj vyjdzie z naty. Albo tariffs)

SK adreahavaŭ na danos Cimanoŭskaj i budzie praviarać jaje byłoha muža na «ekstremizm»24

SK adreahavaŭ na danos Cimanoŭskaj i budzie praviarać jaje byłoha muža na «ekstremizm»

Usie naviny →
Usie naviny

Tramp raskazaŭ pra razmovu z Pucinym i nazvaŭ ludziej, jakija ŭznačalać pieramovy z Rasijaj33

Stała viadoma, dzie ciapier pracuje były vysokapastaŭleny hubazikaviec Cichinia, jakoha abvinavačvali ŭ karupcyi2

Amierykancy zabrali ź biełaruskaj turmy žurnalista Andreja Kuźniečyka i jašče dvuch palitźniavolenych20

«Za $50 tysiač nichto nie kupić». Biełaruski elektrakar buksuje: zapusk u sieryjnuju vytvorčaść znoŭ pieranieśli4

Łukašenka razdaŭ hienieralskija zvańni piaci vajskoŭcam. Voś što pra ich viadoma7

U Polščy prapaŭ 55-hadovy biełarus-dalnabojščyk

Haradzišča na Miency nieviadomyja paškodzili kvadracykłami1

Mukavozčyk: Bondarava zadrała ŭžo12

Čamu 2024 hod u źniešnim handli staŭ našmat horšym za papiaredni?

bolš čytanych navin
bolš łajkanych navin

SK adreahavaŭ na danos Cimanoŭskaj i budzie praviarać jaje byłoha muža na «ekstremizm»24

SK adreahavaŭ na danos Cimanoŭskaj i budzie praviarać jaje byłoha muža na «ekstremizm»

Hałoŭnaje
Usie naviny →

Zaŭvaha:

 

 

 

 

Zakryć Paviedamić