Prezident Ukrainy vykazaŭsia nakont idei Donalda Trampa zamarozić vajnu ŭ siońniašnich umovach.
Uładzimir Zialenski na sustrečy z kandydatam na pasadu kanclera Hiermanii ad chryścijanskich demakrataŭ Frydrycham Miercam adkazaŭ na pytańnie, ci pahodzicca Ukraina na zamarozku vajny.
Prezident Ukrainy adznačyŭ, što abmierkavaŭ hetaje pytańnie z Trampam u Paryžy, piša UNIAN.
«Kali my havorym pra zamarozku kanfliktu, kali pamiž nami, to my pra heta havaryli. Ja skazaŭ: što my bolš, čym chtości ŭ śviecie chočam zaviaršeńnia vajny, i biezumoŭna, dypłamatyčna zaviaršeńnie vajny pryniasie bolš zachavańnia žyćciaŭ, i my chočam hetaha», — adznačyŭ Zialenski.
Pry hetym u razmovie z Trampam i prezidentam Francyi Emaniuelem Makronam ukrainski lidar padkreślivaŭ, što Pucin nie choča miru.
«Pierš za ŭsio vy ŭbačycie — Pucin nie choča zaviaršeńnia hetaj vajny. Tamu, jaho treba prymusić. Prymusić možna tolki, kali Ukraina mocnaja. Ukraina mocnaja pierad luboj dypłamatyjaj — heta mocnaja na poli boju armija, heta pakiety sa zbrojaj i da taho padobnaje. Heta dalnabojnyja sistemy, biezumoŭna I ATACMS, i Taurus, i Storm Shadow i Scalp — usio heta nam vielmi patrebna», — skazaŭ Zialenski.
Jon taksama dadaŭ, što Ukraina čakaje zaprašeńnia ŭ NATO jak adnu z harantyj ustojlivaha miru.
«Ciapier my nie možam być u NATO, ale zaprašeńnie ŭ NATO moža być», — miarkuje Zialenski.
Jon dadaŭ, što maje namier pierakanać dziejnaha prezidenta ZŠA Džo Bajdena ŭzhadnić takoje zaprašeńnie.
-
Zahinuŭ rasijski vajskoviec, čyjo padraździaleńnie naniesła ŭdar pa ŭkrainskaj kaviarni pad Charkavam. Tady zahinuli 59 čałaviek
-
Zialenski: Minabarony Ukrainy raspracoŭvaje śpieckantrakt, kab pryciahnuć u vojska 18-24-hadovych
-
14 šmatkvaternych damoŭ paškodžany ŭ rasijskim Rastovie-na-Donie ŭ vyniku ataki ŭkrainskich dronaŭ
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary