U Biełym domie prakamientavali, ci byŭ miaciež «Vahniera» tolki prykryćciom dla jaho pierajezdu ŭ Biełaruś
Taksama ŭ administracyi Bajdena prakamientavali słovy Łukašenki ab prybyćci ŭ krainu «značnaj kolkaści» rasijskaj jadziernaj zbroi.
Pres-sakratarka Biełaha doma Alivija Dałtan prakamientavała žurnalistam teoryi i čutki, jakija źjavilisia na fonie minułaha miaciažu PVK «Vahnier» i jaje pierajezdu ŭ Biełaruś. Adkazy pres-sakratarki prahučali 27 červienia padčas pramoj tranślacyi bryfinhu ŭ Biełym domie na YouTube.
Na bryfinhu adzin z žurnalistaŭ zadaŭ pytańni, ci pierajezd vahnieraŭcaŭ u Biełaruś — sapraŭdnaja meta miaciažu ŭ Rasii i ci praŭdzivyja, na dumku administracyi Bajdena, zajavy Alaksandra Łukašenki nakont atrymańnia im «užo bolšaj častki» rasijskaj jadziernaj zbroi.
Na heta Alivija Dałtan adkazała tak:
«Nakont sapraŭdnych met miaciažu «Vahniera» davajcie nie ŭpadać u śpiekulacyi. My praciahvajem sačyć za abstanoŭkaj i kantaktavać z našymi sajuźnikami pobač ź Biełaruśsiu. Što tyčycca praŭdzivaści zajavy Łukašenki ab jadziernaj zbroi, to my nie možam heta paćvierdzić».
Nahadajem, što adrazu ž paśla zakančeńnia miaciažu ŭ Rasii źjaviłasia infarmacyja ab pierajeździe PVK «Vahnier» i jaje kiraŭnika Jaŭhiena Pryhožyna ŭ Biełaruś. Hetuju infarmacyju padčas razmovy z prapahandystami paćvierdziŭ sam Łukašenka.
Taksama jon zajaviŭ, što bolšaja častka rasijskich taktyčnych jadziernych zaradaŭ užo znachodzicca ŭ Biełarusi.
«Łukašenka moža stać miratvorcam na svaju hałavu, bo Pucin pomślivy». Analityk — pra vyniki miaciažu i Pryhožyna ŭ Biełarusi
«Razmaŭlali pieršy raŭnd chvilin z 30 na maciernaj movie. Vyklučna». Łukašenka vykłaŭ svaju viersiju pieramoŭ z Pryhožynym
«Cełaja bryhada hatovaja była». Łukašenka zajaviŭ, što byŭ hatovy pasłać vojski ŭ Rasiju dla padaŭleńnia miaciažu
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary