Sajt prahramistaŭ dev.by zaŭvažyŭ, što Biełaruś źnikła z raździeła «Vakansii» na sajcie IT-kampanii EPAM. Ci aznačaje heta, što EPAM pierastaŭ najmać supracoŭnikaŭ u biełaruski ofis?
Na pastaŭlenaje jamu dev.by pytańnie EPAM daŭ nastupny adkaz:
«U suviazi z tym, što bolšaja častka klijentaŭ nakładaje ŭsio bolš abmiežavańniaŭ na pracu ź Biełarusi, dadatkovy najom supracoŭnikaŭ na hetym rynku prypynieny. My zaprašajem śpiecyjalistaŭ, zacikaŭlenych u pracy z EPAM, dałučacca da kampanii ŭ inšych našych ofisach z mahčymaściu dalejšaha pieravodu ŭ biełaruskaje padraździaleńnie, kali klijenckija abmiežavańni źmieniacca».
Raniej Biełaruś uvachodziła u top-5 samych papularnych łakacyj ŭ EPAM pa kolkaści vakansij. Doŭhi čas jana ŭvohule była samaj bujnoj łakacyjaj vytvorčych śpiecyjalistaŭ EPAM. Pa vynikach minułaha hoda hety status pierajšoŭ da Ukrainy, ale z-za vajny ciapier Ukrainy taksama niama ŭ śpisie łakacyj EPAM dla najmu.
Akramia taho, EPAM prybraŭ usie vakansii dla achvotnych pracavać u Rasii. Dniami kampanija zajaviła, što prypyniaje pracu z klijentami z Rasii i vydzielić 100 miljonaŭ dalaraŭ na humanitarnuju dapamohu dla 14 tysiač svaich supracoŭnikaŭ i ich siemjaŭ va Ukrainie.
Čytajcie taksama:
ERAM spyniŭ pracu z klijentami z Rasii
Zasnavalnik EPAM Arkadź Dobkin: Siońnia my abjadnanyja ŭ padtrymcy ŭkraincaŭ
Kamanda EPAM u Biełarusi ŭpieršyniu skaraciłasia. Heta ŭžo nie samy vialiki ofis
BCHD: Adzin ź lidaraŭ partyi Jaŭhien Dudkin pryznaŭsia, što źjaŭlajecca daŭnim ahientam KDB28
Kamientary