Biełarusu pahražaje departacyja praz sakretnaje zaklučeńnie polskich śpiecsłužbaŭ
Haradzienca Paŭła Juškieviča ŭžo pazbavili dazvołu na pražyvańnie ŭ Polščy, a ciapier nad im navisła pahroza departacyi na padstavie dakumienta, vydadzienaha bolš za 10 hadoŭ tamu.
Historyju biełarusa raspavioŭ toruński partał Nowości, paraŭnaŭšy jaje z kafkijanskim siužetam. Na jaje źviarnuŭ uvahu Reform.by.
Pavieł Juškievič naradziŭsia ŭ Vasiliškach Hrodzienskaj vobłaści i pryjechaŭ u Polšču paśla škoły ŭ 17 hadoŭ. Spačatku jon žyŭ ź siamjoj u Pile, ale paźniej pierajechaŭ u Toruń. Va Univiersitecie Mikałaja Kapiernika jon skončyŭ spačatku piedahahičny fakultet, potym fakultet mižnarodnych adnosin. Zatym, užo budučy dvojčy mahistram, jon atrymaŭ stupień bakałaŭra ruskaj fiłałohii i prystupiŭ da napisańnia doktarskaj dysiertacyi. U 2011 hodzie jon byŭ pryznany najlepšym zamiežnym studentam u Polščy, taksama staŭ lepšym studentam Kujaŭska-Pamorskaha vajavodstva. Jon byŭ zaniesieny ŭ Załatuju knihu studentaŭ Univiersiteta Mikałaja Kapiernika i źjaŭlaŭsia stypiendyjatam ministra adukacyi. Partał adznačaje, što jon aktyŭna prymaŭ udzieł u dapamozie biełarusam, jakich pieraśledujuć.
U 2008 hodzie Pavieł atrymaŭ dazvoł na pražyvańnie ŭ Polščy, a paźniej źviarnuŭsia da vajavody z prośbaj ab atrymańni polskaha hramadzianstva. Zhodna z praceduraj, vajavoda zapytaŭ mierkavańnia roznych słužbaŭ, u tym liku Ahienctva ŭnutranaj biaśpieki. Słužby paličyli, što toruński student ujaŭlaje pahrozu nacyjanalnaj biaśpiecy. Juškievič nie daviedaŭsia padrabiaznaściaŭ, pakolki zaklučeńnie ABW źjaŭlajecca sakretnym.
Pavieł źviartaŭsia ŭ sudy, padavaŭ apielacyi, adnak prablemaj było toje, što abvinavačańni źjaŭlalisia tajamnicaj. U 2013 hodzie Paŭłu pahražali vysyłkaj z krainy, ale ŭ vyniku sprava skončyłasia tym, što Upraŭleńnie pa spravach zamiežnikaŭ admianiła rašeńnie vajavody i nakiravała jaho na paŭtorny razhlad, a vajavoda spyniŭ spravu.
«Juškievič adčuvaje siabie palakam, jon ličyć Polšču svajoj histaryčnaj i ciapierašniaj radzimaj. Jon žyvie i pracuje tut, u tym liku maje ŭłasny biznes. Jon taksama źjaŭlajecca vykładčykam. Jaho načalstva i kalehi dajuć jamu vielmi dobryja vodhuki.
Adnak, niahledziačy na roznyja sudovyja batalii, jamu tak i nie ŭdałosia daviedacca pra mierkavańnie ABW ad 2013 hoda.
Bolš za toje, jaho papiery adpravilisia ź Vialikapolščy ŭ Kujaŭska-Pamorskaje vajavodskaje ŭpraŭleńnie. Tudy jany trapili razam z zaklučeńniem ABW, na padstavie jakoha polskija ŭłady niadaŭna pazbavili Paŭła Juškieviča prava na pražyvańnie. Apielacyja była adchilenaja. Chacia rašeńnie moža być asprečanaje, u Juškieviča jość miesiac, kab pakinuć Polšču», — havorycca ŭ materyjale.
Pavodle infarmacyi resursu, u abaronu biełarusa vystupiła Śviatłana Cichanoŭskaja. Letaś, pavodle źviestak partała, Pavieł Juškievič zajaviŭ, što hatovy ŭ luby momant prajści pravierku na palihrafie.
Vydańnie adpraviła elektronny list nakont Paŭła Juškieviča ŭ vajavodskaje ŭpraŭleńnie ŭ Bydhaščy, ale adkazu nie atrymała. Paviedamlajecca, što ŭ ofisie presavaha sakratara taksama nichto nie adkazvaŭ na zvanki. Aŭtary abiacajuć viarnucca da hetaha pytańnia, kali atrymajuć adkaz.
U piatnicu ŭ spravu Paŭła Juškieviča ŭmiašaŭsia staršynia Toruńskaj haradskoj rady Marcin Čyžnieŭski.
«Siońnia ja źviarnuŭsia da kujaŭska-pamorskaha vajavody z prośbaj pryniać miery dla praduchileńnia departacyi Paŭła Juškieviča z Polščy.
Pavieł, biełarus, jaki žyvie ŭ Polščy z 17 hadoŭ, nie moža atrymać polskaha hramadzianstva praz sakretnaje zaklučeńnie ABW, jakoje, ja całkam pierakanany, źjaŭlajecca vynikam pravakacyi režymu Łukašenki.
Ja asabista znajomy z Paŭłam i ručajusia za jaho viernaść i addanaść Polščy, a taksama za jaho prychilnaść biełaruskim dysidentam.
Ja spadziajusia, što jaho ŭdasca vyratavać ad nastupstvaŭ hetaha kafkijanskaha rašeńnia, jakoje aznačaje nie tolki departacyju, ale i turemnaje źniavoleńnie ŭ Biełarusi. Ja vielmi prašu ŭsich, chto moža paŭpłyvać na hetuju spravu, padtrymać i dapamahčy», — napisaŭ jon u Facebook.
Čytajcie taksama:
Jak biełaruskich kiroŭcaŭ viarbujuć dla nielehalnaj pieravozki mihrantaŭ pa Jeŭropie
Palitviaźnia, jaki zapłaciŭ uładam 31 bitkoin kampiensacyi i źniaŭsia ŭ filmie BT, asudzili jašče na 9 hadoŭ6
Kamientary
Ja stałkivałsia s podobnym,na mienia vticharia łživo žałovaliś vłastiam "svoi žie" "iedinomyšleńniki" tak kak vidieli vo mnie konkurienta i uhrozu. No ničieho prošło vriemia i vsie vyjaśniłoś kto jesť kto. Žiełaju Pavłu nie rasstraivaťsia ,nie opuskať ruki,a naoborot nastraivaťsia na boŕbu,tiem boleje čto za nim pravda i čiełoviek on sudia po vsiemu priličnyj(v otličii ot niekotorych)