Si Czińpin paabiacaŭ Makronu padtrymać francuzski mirny płan pa Ukrainie
Na sustrečy z prezidentam Francyi Emanuelem Makronam u Piekinie staršynia KNR Si Czińpin zajaviŭ, što zaciahvańnie kanfliktu va Ukrainie naniasie škodu ŭsim bakam. U suviazi z hetym kiraŭnik Kitaja znoŭ zaklikaŭ da spynieńnia ahniu i zajaviŭ, što Piekin hatovy padtrymać luby mirny płan Paryža, jaki pryviadzie da palityčnaha ŭrehulavańnia kanfliktu, paviedamlaje vydańnie South China Morning Post.
«Palityčnaje ŭrehulavańnie — adziny pravilny vychad. Što tyčycca Ukrainy, to Kitaj nikoli nie zajmaŭsia hetym pytańniem z pazicyi asabistych intaresaŭ, a zaŭsiody vystupaje za sumlennaść i spraviadlivaść», — skazaŭ Si Czińpin.
Na jaho dumku, zacikaŭlenyja baki pavinny iści nasustrač adzin adnamu i stvarać umovy dla ŭrehulavańnia.
Emanuel Makron razam z kiraŭnicaj Jeŭrakamisii Ursułaj fon der Lajen 5 krasavika prybyŭ z trochdzionnym vizitam u Kitaj. Jak raniej pisała vydańnie Politico, adnoj z metaŭ vizitu francuzskaha lidara było dasiahnieńnie taho, kab Kitaj pierahladzieŭ rašeńnie ab supracoŭnictvie z Rasijaj.
Adnak, jak piša toje ž vydańnie, Makronu nie ŭdałosia źmianić pazicyju Kitaja nakont Ukrainy i damahčysia ad Si asudžeńnia dziejańniaŭ Rasii. U sumiesnaj zajavie dźviuch krain abciakalna havaryłasia ab padtrymcy Kitajem i Francyjaj namahańniaŭ pa ŭstalavańni miru va Ukrainie na asnovie mižnarodnaha prava i Statuta AAN.
Łuhansk, Sierhijeŭ Pasad, Maskva — teatrały ŭ šoku ad sioletniaj prahramy mižnarodnaha fiestyvalu «[email protected]»66
Kamientary