Parašenka: Kanstancinopal daść aŭtakiefaliju Ukrainskaj pravasłaŭnaj carkvie
Ukraina budzie prasić kanstancinopalskaha patryjarcha ab pradastaŭleńni aŭtakiefalii Ukrainskaj Carkvy. Pra heta prezident Ukrainy Piatro Parašenka zajaviŭ na sustrečy sa staršyniami parłamienckich frakcyj, paviedamiŭšy, što sustrakaŭsia z Patryjarcham Kanstancinopalskim Varfałamiejem, a taksama ź siabrami Sinoda.
«My praviali ahułam bolš za 7 hadzin. Ja kažu i try hady tamu, i dva hady tamu ja sprabavaŭ stavić pytańnie ab pryznańni Ukrainskaj aŭtakiefalnaj pamiesnaj carkvy. Ja mahu vam padkreślić pryjemnuju navinu.
Što na siońniašni dzień Ukraina jak nikoli blizkaja da źjaŭleńnia va Ukrainie ułasnaj aŭtakiefalnaj pamiesnaj carkvy. Heta pakaža nie tolki pazicyja Kanstancinopalskaha Patryjarcha, ale i pazicyja siabraŭ Sinoda.
Ja nie mahu vam zaraz adkryć usie detali hetaj sustrečy, ale absalutna nieabchodny klučavyja elemienty, jakija pavinny zabiaśpiečyć hety praces», — padkreśliŭ Parašenka.
SK adreahavaŭ na danos Cimanoŭskaj i budzie praviarać jaje byłoha muža na «ekstremizm»24
Kamientary