Выставілі на аўкцыён гандлёвы цэнтр Arena City ў Мінску
11.02.2025 / 19:25
Лот з мінскім гандлёва-забаўляльным цэнтрам Arena City з'явіўся на сайце ЗАТ «Белрэалізацыя».
Фота: beltorgi.by
ГЗЦ Arena City ў 2013 годзе пабудавала кампанія «Трайпл», заснаваная Юрыем Чыжом.
Плошча аб'екта — амаль 84 тысячы квадратных метраў. Паводле апісання да лота, запаўняльнасць Arena City складае 98%.
Таргі запланаваныя на 18 сакавіка. Цана аб'екта — $74 млн 400 тысяч.
Гандлёва-забаўляльны цэнтр Arena City ужо спрабавалі прадаць у 2023 годзе. Тады за яго хацелі атрымаць крыху менш — $74 млн.