Прызналі «экстрэмісцкай» выяву «Мёртвая галава»
11.02.2025 / 17:48
Пракурор Гомельскай вобласці палічыў, што «знаходжанне ў вольным абарачэнні» выявы «Мёртвая галава» «нівеліравала ў насельніцтва, у першую чаргу, у моладзі, нецярпімасць да нацызму».
«Устаноўлена, што частковая выява чэрапа са скрыжаванымі ззаду косткамі і размешчаным зверху надпісам Never lose your smile («Ніколі не губляй усмешку») часта асацыявалася ў маладзёжным асяроддзі з эмблемай 3-й танкавай дывізіі СС «Мёртвая галава», — сцвярджаюць у пракуратуры.
Зыходзячы з гэтай логікі выяву ўключылі ў рэспубліканскі спіс экстрэмісцкіх матэрыялаў.