Aplikacyja «Novaja Biełaruś» źmianiła nazvu. Ciapier heta płatforma Svae
11.02.2025 / 17:28
Pra rebrendzinh aplikacyi stvaralniki raspaviali ŭ sacsietkach.
Skrynšot: instahram-staronka prajekta «Novaja Biełaruś», ciapier — aplikacyi Svae
Aŭtary prajekta pišuć, što z rebrendzinham prajekta zachoŭvajecca jaho hałoŭnaja meta — abjadnoŭvać biełarusaŭ. U aplikacyi ŭsio tak ža buduć publikavać mierapryjemstvy, jakija arhanizoŭvajuć biełarusy, i dzialicca karysnaj infarmacyjaj.
Ciapier aplikacyju možna spampavać pad novaj nazvaj. Kali jana ŭ vas užo ŭstalavana, ale nazyvajecca «Novaja Biełaruś», to jaje treba abnavić. Paśla abnaŭleńnia budzie pracavać novaja viersija mabilnaha dadatku.
U studzieni 2023 hoda płatformu «Novaja Biełaruś» KDB pryznaŭ «ekstremisckim farmavańniem». Asobna ŭ viedamasnym śpisie ŭkazvalisia ŭdzielniki prajekta: Libier Pavieł Ivanavič i Lichačeŭski Jarasłaŭ Alaksandravič.