Łukašenka daŭ UNS šyrokija paŭnamoctvy i ciapier nie viedaje, jak arhanizavać, kab hety schod nikomu nie zaminaŭ
11.02.2025 / 14:10
Pieršapačatkova mierkavałasia, što UNS budzie vykarystany dla tranzitu ŭłady. Ale Alaksandr Łukašenka praciahnuŭ u lutym svajo prezidenctva. Zhodna z novaj Kanstytucyjaj, UNS atrymała davoli surjoznyja paŭnamoctvy, pierajmajučy častku funkcyj prezidenta i inšych orhanaŭ ułady. Ciapier Łukašenka patrabuje, kab UNS znajšli jaho miesca ŭ sistemie.
Alaksandr Łukašenka 11 lutaha pravioŭ pasiadžeńnie prezidyuma Usiebiełaruskaha narodnaha schodu.
Adna z tem pasiadžeńnia — arhanizacyjnaja struktura i kamisii UNS.
Alaksandr Łukašenka zaŭvažyŭ, što «heta pytańnie pakul zastavałasia kamieniem spatyknieńnia», paviedamlaje jaho pres-słužba. «Vy pamiatajecie palemiku na minułym pasiadžeńni prezidyuma. Mnoj daručałasia prezidyumu pry ŭdziele kiraŭnika Administracyi prezidenta dadatkova prapracavać hetyja pytańni. Spadziajusia, my ich razhledzim i prymiem rašeńnie», — nahadaŭ jon.
Łukašenka dadaŭ, što «prablematyka surjoznaja, a tamu pry pryniaćci rašeńniaŭ nielha pamylicca».
«Usiebiełaruski narodny schod pavinien zajmać svaju nišu ŭ dziaržavie i nie ŭmiešvacca ŭ kampietencyju inšych dziaržaŭnych orhanaŭ. Nielha sparadzić novyja narady, pierapisku, farmalizm. I hałoŭnaje, nie pavinna być sutykańnia iłbami adnych orhanaŭ ułady ź inšymi i ŭsich razam z Usiebiełaruskim narodnym schodam. My, jak pieršaprachodcy, idziom pa calinie, farmirujem strukturu na hady napierad. I ad hetaha rašeńnia šmat u čym zaležyć praduktyŭnaść i aŭtarytet samoha schodu, inšych orhanaŭ dziaržaŭnaha kiravańnia», — skazaŭ jon.
Ciapier jon znoŭ viarnuŭsia da pytańnia debiurakratyzacyi.
«Kali my chočam mieć efiektyŭnuju dziaržavu, to pačynać treba z aptymizacyi kiraŭnickich pracesaŭ, tatalnaj debiurakratyzacyi i žaleznaj vykanalnickaj dyscypliny. Pa kančatkovym rachunku ad hetaha zaležyć davier naroda», — skazaŭ jon.