Śviet

Piaskoŭ: Častka Ukrainy choča stać Rasijaj

Značnaja častka Ukrainy žadaje stać Rasijaj, i hety fakt užo paćvierdžany historyjaj, zajaviŭ pres-sakratar prezidenta Rasii Dźmitryj Piaskoŭ, piša «Sputnik».

Dźmitryj Piaskoŭ i Uładzimir Pucin. Fota: Alexei Danichev, Sputnik, Kremlin Pool Photo via AP

Raniej prezident ZŠA Donald Tramp adznačyŭ, što Ukraina pavinna dać harantyi ŭkładzienych u jaje amierykanskich srodkaŭ, bo ŭ niejki dzień «moža stać Rasijaj».

«Toje, što značnaja častka Ukrainy choča stać Rasijaj, i toje, što jana ŭžo stała Rasijaj, — heta fakt. Heta fakt, jaki adbyŭsia na ziamli, čatyry novyja rasijskija rehijony», — skazaŭ Piaskoŭ, adkazvajučy na pytańnie pra toje, jak u Kramli ŭspryniali zajavu Trampa.

Jak udakładniŭ Piaskoŭ, žychary novych rehijonaŭ, niahledziačy na šmatlikija niebiaśpieki, nibyta stajali ŭ čerhach i hałasavali na refierendumie za ŭvachod u skład Rasii.

Raniej Tramp zajaviŭ nastupnaje: «Ja chaču, kab našy hrošy byli ŭ biaśpiecy. Tamu što my tracim sotni i sotni miljardaŭ dalaraŭ. Jany mohuć zaklučyć ździełku, mohuć nie zaklučyć ździełku. Jany mohuć stać Rasijaj kali-niebudź. Mohuć nie stać Rasijaj».

Kamientary da artykuła