Piensijaniera z Astravieckaha rajona znoŭ sudziać za «pikiet»
10.02.2025 / 20:49
U studzieni 2024 hoda Mikałaja Ułasieviča ŭžo aštrafavali na 2 tysiačy rubloŭ, piša telehram-kanał «Pravo imiejut».
10 lutaha ŭ sudzie Astravieckaha rajona prajšło pasiedžańnie pa spravie piensijaniera. Ułasieviča abvinavacili ŭ parušeńni paradku i praviadzieńni masavych mierapryjemstvaŭ (častka 1 art. 24.23 KaAP). Takoje abvinavačvańnie časta vystaŭlajuć za znojdzienuju ŭ čałavieka biełaruskuju nacyjanalnuju simvoliku abo prosta falšyva.
Vynik suda nieviadomy.
Aktyvisty ŭdakładniajuć, što padčas vybaraŭ da piensijaniera prychodzili supracoŭniki milicyi — jany ahledzieli dom Ułasieviča na najaŭnaść «ekstremisckich materyjałaŭ».
U studzieni žychara Astravieckaha rajona aštrafavali na 2 tysiačy rubloŭ. Jak ličać pravaabaroncy, tady pryčynaj dla administracyjnaj spravy stała «niapravilnaja» afarboŭka altanki piensijaniera.