Пенсіянера з Астравецкага раёна зноў судзяць за пікет
10.02.2025 / 20:49
У студзені 2024 года Мікалая Уласевіча ўжо аштрафавалі на 2 тысячы рублёў, піша тэлеграм-канал «Право имеют».
10 лютага ў судзе Астравецкага раёна прайшло паседжанне па справе пенсіянера. Уласевіча абвінавацілі ў парушэнні парадку і правядзенні масавых мерапрыемстваў (частка 1 арт. 24.23 КаАП).
Вынік суда невядомы.
Актывісты ўдакладняюць, што падчас выбараў да пенсіянера прыходзілі супрацоўнікі міліцыі — яны агледзелі дом Уласевіча на наяўнасць «экстрэмісцкіх матэрыялаў».
У студзені жыхара Астравецкага раёна аштрафавалі на 2 тысячы рублёў. Як лічаць праваабаронцы, тады прычынай для адміністрацыйнай справы стала «няправільная» афарбоўка альтанкі пенсіянера.