Грамадства

З'явіўся фальшывы бот выдання «Флагшток»

Пасля інфармацыі пра дрон, які ўпаў у Хойніках, у сеціве з'явіўся фальшывы бот гомельскага выдання «Флагшток». Выданне заклікае сваіх чытачоў да пільнасці і асцярожнасці.

З'яўленне фальшывага бота, які дзейнічае ад імя «Флагштока», заўважыла сама рэдакцыя выдання.

«Флагшток» падкрэслівае, што ён увогуле не выкарыстоўвае боты для сувязі з чытачамі, і выказвае меркаванне, што гэты фэйкавы бот створаны спецслужбамі для дэананімізацыі карыстальнікаў, звязаных з выданнем.

Адзіны канал для сувязі з «Флагштокам» у тэлеграме — акаўнт @fuckshtok.

9 лютага ў Хойніках побач з раённым выканаўчым камітэтам упаў дрон. Выданне «Флагшток» першым напісала пра гэта здарэнне. Дзяржаўныя СМІ пра падзенне дрона ў Хойніках не паведамлялі.

Сёння таксама стала вядома пра з'яўленне фэйкавай рассылкі пра нібыта новы тэлеграм-бот Фонду салідарнасці «Байсол».

Каментары да артыкула