Ekanomika

Vyznačyli novyja taryfy na žyllova-kamunalnyja pasłuhi

Premjer-ministr Raman Hałoŭčanka padpisaŭ pastanovu ab vyznačeńni novych taryfaŭ na žyllova-kamunalnyja pasłuhi, paviedamiła pres-słužba ŭrada.

Novyja rascenki ŭstanaŭlivajucca z 1 studzienia 2025 hoda.

Pavyšajucca taryfy na elektraenierhiju dla nasielnictva — na 11,9%. Dla typavoj kvatery pry narmatyŭnym spažyvańni elektryčnaści płata vyraście na 4 rubli 51 kapiejku.

Taksama na 5% pavialičanyja ceny na zvadkavany haz dla nasielnictva. Ciapier 21-kiłahramovy bałon budzie kaštavać 24 rubli 50 kapiejek.

Pry hetym ceny na pryrodny haz nie źmianilisia i zastalisia na ŭzroŭni minułaha hoda.

U cełym adznačajecca, što płata za kamunałku ŭ 2025 hodzie vyraście na 21 rubiel (pałovu bazavaj vieličyni).

U kancy studzienia Łukašenka padpisaŭ ukaz ab hranična dapuščalnych taryfach na pasłuhi ŽKH. Paviedamlałasia, što z 1 studzienia 2025 hoda dla biełarusaŭ padaraželi ŭsie pasłuhi, za vyklučeńniem aciapleńnia i haračaj vady, na 17 rubloŭ 5 kapiejek.

Z 1 červienia taksama vyraście płata za ciepłavuju enierhiju na mety aciapleńnia i haračaje vodazabieśpiačeńnie — na 3 rubli 95 kapiejek.

Kamientary da artykuła