Талібы загадалі дыпламатам Афганістана ў ААН адгадаваць бароды
9.02.2025 / 22:32
Інакш — турма.
Ілюстрацыйны здымак. Фота: АР
Прадстаўнікі талібскага Дэпартамента заганы і цноты наведалі супрацоўнікаў Афганістана ў ААН і вынеслі папярэджанне: тыя, хто голіць або стрыжэ бараду, трапяць у турму. Пра гэта крыніцы ў ААН паведамілі незалежнаму спадарожнікаваму каналу Amu TV.
Радыкальныя ісламістамі прымалі і іншыя меры ў дачыненні да пасланнікаў Афганістана ў ААН. У красавіку 2023 года яны забаранілі працаваць у гэтай арганізацыі жанчынам. Акрамя таго, Талібан ускладняе працу гуманітарных місій унутры Афганістана, перарываючы дастаўку дапамогі. З-за гэтага ўжо прыйшлося прыпыніць 72 гуманітарныя праекты, піша Bild.