Mužčyna znajšoŭ u restaranie čužy hadzińnik — na jaho zaviali kryminałku za kradziež
9.02.2025 / 15:9
U milicyju Minska z zajavaj ab źniknieńni hadzińnika canoj kala 3500 rubloŭ źviarnułasia 36-hadovaja žycharka stalicy. Žančyna raspaviała, što była ŭ restaranie, a kali viarnułasia dadomu, vyjaviła adsutnaść hadzińnika.
Supracoŭniki kryminalnaha vyšuku zatrymali 38-hadovaha žychara Minskaj vobłaści. Sa słoŭ mužčyny, hadzińnik jon znajšoŭ padčas ramontu ŭ budynku restaracyi: «My źbirali aparaturu, pad scenaj ja znajšoŭ cyfierbłat, pakłaŭ jaho ŭ kišeniu». Pra znachodku mužčyna nie paviedamiŭ administracyi ŭstanovy.
Reč kanfiskavanaja i budzie pieradadziena haspadyni.
Zaviedziena kryminalnaja sprava za kradziež.