U čarzie na miažy fura źbiła rasijanina
9.02.2025 / 12:49
Najezd adbyŭsia 8 lutaha kala 21:45 na aŭtadarozie M-7 «Vałožyn — Ašmiany — miaža Litoŭskaj Respubliki», paviedamiła DAI Hrodna.
49-hadovy vadziciel fury jechaŭ z boku Ašmian u pamiežny punkt «Kamienny Łoh».
Na 147-m kiłamietry jon učyniŭ najezd na 43-hadovaha piešachoda, hramadzianina Rasijskaj Fiederacyi, jaki chadziŭ pa prajeznaj častcy darohi, paviedamiła pres-słužba DAI Hrodna.
Piešachod byŭ na prajeznaj častcy bieź flikieraŭ. Jaho z traŭmami špitalizavali.