Śviet

Na Alascy źnik samalot z 10 čałaviekami na borcie

Heta ŭžo treci avijacyjny incydent u ZŠA za apošnija dni.

Samalot, na borcie jakoha znachodzilisia dziesiać čałaviek, źnik bieź viestak u čaćvier padčas pieralotu praz zaliŭ Nortan-Saŭnd na Alascy, na poŭdzień ad Palarnaha koła. Pošukavyja apieracyi praciahvalisia da poźniaj nočy, piša «Hołas Amieryki».

Samalot avijakampanii Bering Air nakiroŭvaŭsia z Unałaklita ŭ Nom.
 Na borcie znachodzilisia dzieviać pasažyraŭ i piłot. Ułady sprabujuć ustalavać apošnija viadomyja kaardynaty samalota.

Heta treci avijacyjny incydent u ZŠA za niekalki dzion. 29 studzienia niedaloka ad Vašynhtona sutyknulisia pasažyrski samalot i vajenny viertalot — zahinuli 67 čałaviek.
31 studzienia ŭ Fiładelfii raźbiŭsia miedycynski transpartny samalot, u vyniku čaho zahinuli šeść čałaviek na borcie i adzin na ziamli.

6 lutaha źnik Cessna Caravan, jaki lacieŭ z Unałaklita.

Pavodle Bering Air, samalot Cessna Caravan vylecieŭ z Unałaklita ŭ 14:37, i mienš čym praz hadzinu ź im źnikła suviaź.

Pavodle Bierahavoj achovy ZŠA, samalot znachodziŭsia za 19 km ad uźbiarežža, kali pierastaŭ vychodzić na suviaź.

Z-za kiepskaha nadvorja i drennaj bačnaści mahčymaści pavietranaha pošuku abmiežavanyja.

Žycharam rekamiendavali nie arhanizoŭvać samastojnyja pošukavyja hrupy praź niebiaśpiečnyja ŭmovy nadvorja.

Nadvorje ŭ momant vyletu: -8,3°C

Kamientary da artykuła