Z 1 lutaha padaražejuć niekatoryja marki cyharet
31.01.2025 / 23:22
Ministerstva padatkaŭ i zboraŭ apublikavała infarmacyju pra maksimalnyja roźničnyja ceny na cyharety ź filtram, jakija pačnuć dziejničać z 1 lutaha 2025 hoda.
U adpaviednaści z ustanoŭkami MPZ, u Biełarusi z 1 lutaha pavinna vyraści cana 39 marak: 28 — vyrablenych TAA «Inter tabaka», 11 — jakija ŭvoziacca dziaržpradpryjemstvam «Biełaruśhandal».
Što tyčycca TAA «Inter Tabaka», to pavialičycca košt šerahu marak brendaŭ Dove i Red Bor i ŭsich marak brendaŭ RB Perliamutr i Rigins Original, pryčym usie jany stanuć daražejšymi na 35 kapiejek.
Što tyčycca dziaržpradpryjemstva «Biełaruśhandal», to padymiecca cana ŭsich marak brenda Chapman i niekatorych marak brenda Dunhill, pryčym usie jany stanuć daražejšymi na 20 kapiejek.
Marki, jakija vypuskajucca tytuniovaj fabrykaj «Nioman», TAA «Tytuń-Inviest», TAA «Sientoni PRA» i ZTAA «ALIDZI-Viest», a taksama impartavanyja z-za miažy TAA «Sientoni PRA», nie padaražejuć.
Akramia taho, z apublikavanaj infarmacyi vynikaje, što ZTAA «ALIDZI-Viest» pačnie vyrablać niekatoryja novyja dla siabie marki cyharet. Heta Dunhill Compact Blue (canoj 7,40 rubla), a taksama Dunhill Compact Aroma Red i Dunhill Compact Aroma Brown (abiedźvie canoj 7,50 rubla).
Čytajcie taksama:
Litva pieradaść Ukrainie try aŭtamabili, kanfiskavanyja ŭ biełarusaŭ za kantrabandu cyharet
Z 1 studzienia padaražejuć mnohija marki cyharet
Rasijskija mytniki zatrymali rekordnuju partyju kantrabandnych cyharet ź Biełarusi
10% biełaruskich dziaciej pačynajuć vejpić užo ŭ pačatkovych kłasach