U Viciebsku zahareŭsia handlovy centr. Jość paciarpiełyja
13.12.2024 / 16:53
Ratavalniki vyjechali na paviedamleńnie ab zaharańni na pieršym paviersie ŭ HC «Biełaruś» na vulicy Hienierała Biełabarodava ŭ Viciebsku, paviedamlaje pres-słužba MNS.
Skrynšot ź videa
Paśla prybyćcia padraździaleńniaŭ vyjaŭlena zadymleńnie na pieršym paviersie centra. Pravodzicca evakuacyja ludziej.
Na miescy pracavali bolš za 12 adzinak techniki i 50 ratavalnikaŭ. Paviedamlajecca, što rabotniki MNS vyratavali 10 čałaviek, jašče 215 čałaviek evakujavanyja.
Paviedamlajecca, što ŭ Viciebskaj abłasnoj balnicy znachodzicca 6 paciarpiełych, z traŭmami (parezami), atručvańniem čadnym hazam, apiokami. Miedyki akazvajuć usiu nieabchodnuju dapamohu.
Praz hety pažar u Viciebsku admianili šeście Dziadoŭ Marozaŭ i kazačnych piersanažaŭ, a taksama ŭklučeńnie śviatočnaj iluminacyi na haradskoj jełcy.