Dźvie krainy prapanavali Bašaru Asadu pakinuć Siryju
7.12.2024 / 10:16
Słužbovyja asoby Jehipta i Iardanii prapanavali siryjskamu prezidentu Bašaru Asadu pakinuć respubliku i sfarmavać časovuju radu, jakaja ŭklučaje pradstaŭnikoŭ apazicyi, piša The Wall Street Journal sa spasyłkaj na krynicy.
Bašar Asad. Fota: Borna News/Matin Ghasemi/Aksonline ATPImages/Getty Images
Iardanskaje pasolstva ŭ ZŠA admaŭlaje hetuju infarmacyju.
Asad, jak vyśvietliła WSJ, pavodle stanu na piatnicu, 6 śniežnia, zastavaŭsia ŭ Siryi.
Katar, AAE i inšyja arabskija krainy ŭsio bolš zaniepakojenyja vierahodnaściu chutkaha padzieńnia ŭrada Siryi i destabilizacyjaj ŭ rehijonie, raspaviali krynicy haziety.
Ź ich słoŭ, siryjski prezident paprasiŭ Turcyju ŭmiašacca, paprasiŭ zbroju ŭ Jehipta, AAE, Iardanii i Iraka, ale atrymaŭ admovu.
Choms zastaŭsia apošnim bujnym horadam pad kantrolem urada ŭ Siryi, jaki znachodzicca na darozie pamiž Damaskam i terytoryjaj, zachoplenaj paŭstancami. Nasielnictva Chomsa — kala 800 tys. čałaviek, jaho strata pazbavić ułady dostupu da ŭźbiarežža Mižziemnaha mora, dzie skancentravana łajalnaja da ŭrada ałavickaja mienšaść, da jakoha naležyć Asad, papiaredžvaje WSJ.