Padobna, što ŭ Oršy sioleta «admianili» ŭhodki Uładzimira Karatkieviča
26.11.2024 / 17:43
Siońnia, 26 listapada, słavutamu piśmieńniku-ziemlaku spoŭniłasia b 94 hady. U dzień Karatkieviča ŭ Oršy zvyčajna ładzilisia ŭračystyja imprezy: čytańnie vieršaŭ kala pomnika Uładzimiru Karatkieviču ŭ prydniaproŭskim parku, litaraturnyja sustrečy ŭ biblijatekach i škołach. Ale ciapier situacyja źmianiłasia, zaŭvažyła «Viciebskaja viasna».
Niejkija ŭračystaści ŭ honar dnia naradžeńnia Karatkieviča pravodzilisia da minułaha hoda. Ale sioleta ŭ «Aršanskaj haziecie» prahrama śviatkavańniaŭ, na jakija raniej zaprašali haradžan, raźmieščanaja nie była.
U rajonnaj haziecie ŭvohule niama nivodnaha materyjała pra čarhovyja ŭhodki Uładzimira Karatkieviča, jaki naradziŭsia ŭ Oršy i lubiŭ jaje ŭsim sercam, dokaz tamu — šmatlikija zhadki ŭ jahonaj tvorčaści pra rodny horad…
Adziny tekst na sajcie miascovaha vydańnia, dzie zhadana imia Karatkieviča — heta abviestka tydniovaj daŭniny pra toje, što ŭ haradskim muziei «dziejničaje vystava «Moj čaroŭny biełaruski kraj», pryśviečanaja 94-hodździu z dnia naradžeńnia piśmieńnika». I taja zakryjecca praz 4 dni.