Vajna

Džo Bajden uchvaliŭ pastaŭki va Ukrainu supraćpiachotnych min

Prezident ZŠA Džo Bajden uchvaliŭ pastaŭki va Ukrainu supraćpiachotnych min, paviedamiła hazieta The Washington Post sa spasyłkaj na dvuch amierykanskich čynoŭnikaŭ. Pientahon paćvierdziŭ hetuju infarmacyju.

Ilustracyjnaje fota: lieber.westpoint.edu

Jak piša vydańnie, takoje rašeńnie Bajden pryniaŭ z ulikam imknieńnia amierykanskaha boku dapamahčy Uzbrojenym siłam Ukrainy strymać nastup rasijskaj armii. Adzin z surazmoŭcaŭ WP zajaviŭ, što Kijeŭ «uziaŭ na siabie abaviazacielstva nie stavić miny ŭ hustanasielenych rajonach».

Administracyja Bajdena taksama paabiacała padtrymać namahańni pa raźminiravańni Ukrainy paśla zakančeńnia kanfliktu.

Pradstaŭnik amierykanskaha Minabarony ŭ kamientary TASS udakładniŭ, što havorka idzie pra tak zvanyja niaŭstojlivyja miny, jakija praź niekatory čas stanoviacca inertnymi.

Kamientary da artykuła